Қазақстан Республикасы Қаржы министрлігінің Мемлекеттік кірістер комитетінің 2023 жылғы 3 сәуірдегі № КГД-07-1-15/3387-И Хаты

Қазақстан Республикасы Қаржы министрлігінің Мемлекеттік кірістер комитетінің 2023 жылғы 3 сәуірдегі № КГД-07-1-15/3387-И Хаты

Қазақстан Республикасы Қаржы министрлігінің Мемлекеттік кірістер комитеті «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық Кодексі) өзгерістер мен толықтырулар енгізу туралы» және «Салық және бюджетке төленетін басқа да міндетті төлемдер туралы «Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының 2023 жылғы 20 наурыздағы № 213-VII Заңына Мемлекет басшысы қол қоюына байланысты, салық заңнамасының негізгі өзгертулері бойынша шолу хатты жолдайды.

Өзара іс-қимыл бойынша (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі)

Салық кодексінің 24-бабының 16-1) тармақшасы коллекторлық агенттікпен жасалған сенімгерлік басқару шарты шеңберінде банктік қарыз шарты бойынша өзіне берілген құқыққа (талапқа) қатысты кредитордың құқықтарын іске асыратын салық төлеушілер бойынша салық органына мәліметтерді ұсыну бойынша екінші деңгейдегі банктер мен банк операцияларының жекелеген түрлерін жүзеге асыратын ұйымдардың міндетін көздейтін, көрсетілген салық төлеушілердің тоқсаннан кейінгі айдың 25-нен кешіктірмей, қаржы нарығын және қаржы ұйымдарын реттеу, бақылау және қадағалау жөніндегі уәкілетті органмен келісу бойынша уәкілетті орган белгілеген нысан бойынша толықтырылды;