Мұнай мен көмiрге ренталық төлемдердiң ставкасын белгiлеу туралы
Қазақстан Республикасы Министрлер Кабинетінің қаулысы 12
тамыз 1992 ж. № 672
"Тiркелген (ренталық) төлемдер туралы" және "Қазақстан Республикасының 1992 жылға арналған республикалық бюджетi туралы" Қазақстан Республикасының Заңына өзгерістер енгізу туралы" Қазақстан Республикасының Заңдарына сәйкес Қазақстан Республикасының Министрлер Кабинетi қаулы етедi:
1. 1992 жылғы 1 маусымнан бастап екi еселенген орташа салалық рентабельдiлiктi асырған жағдайда "Маңғышлақмұнай" өндiрiстiк бiрлестiгi өндiретiн мұнайға ренталық төлем ставкасы бiр тоннадан 765 сом, "Теңiзмұнайгаз" өндiрiстiк бiрлестiгi өндiретiн мұнайға - тоннасынан 140 сом, "Қаражанбастерммұнай" өндiрiстiк бiрлестiгi өндiретiн мұнайға - тоннасынан 755 сом, "Оңтүстiкқазмұнайгаз" өндiрiстiк бiрлестiгi өндiретiн мұнайға - тоннасынан 430 сом мөлшерiнде белгiленсiн.
ЕСКЕРТУ. 1-тармақ өзгертiлдi - Қазақстан Республикасы
Министрлер Кабинетінің 1992.09.30. № 905 қаулысымен.
2. "Қарағандыкөмiр" өндiрiстiк бiрлестiгiне Қарағанда "Екiбастұзкөмiр" өндiрiстiк бiрлестiгiнде айрықша қолайлы кен-геологиялық жағдайына орай сараланған таза табыс құралып отыр.
Осыған байланысты 1992 жылғы 1 маусымнан бастап "Екiбастұзкөмiр" өндiрiстiк бiрлестiгi өндiретiн көмiрге тiркелген (ренталық) төлем ставкасы бiр тоннадан 115 сом мөлшерiнде белгiленсiн.
Қазақстан Республикасының
Премьер-министрi
