Қазақстан Республикасы Президентінің Жарлығы
«Қазақстан Республикасы Президентінің 2000 жылғы 13 сәуiрдегі
№ 371 Жарлығына өзгерістер мен толықтырулар енгізу туралы»
«Мемлекеттік құпиялар туралы» Қазақстан Республикасының 1999 жылғы 15 наурыздағы Заңының 5-бабына сәйкес ҚАУЛЫ ЕТЕМIН:
1. "Мемлекеттік органдардың мәлiметтердi Қазақстан Республикасының мемлекеттік құпияларына жатқызу жөніндегі өкiлеттiктер берiлген лауазымды тұлғаларының тiзбесiн бекіту туралы" Қазақстан Республикасы Президентінің 2000 жылғы 13 сәуірдегі № 371 Жарлығына (Қазақстан Республикасының ПҮАЖ-ы, 2000 ж., № 18, 186-құжат; 2004 ж., № 21, 263-құжат) мынадай өзгерістер мен толықтырулар енгізiлсiн:
аталған Жарлықпен бекітілген мемлекеттік органдардың мәлiметтердi Қазақстан Республикасының мемлекеттік құпияларына жатқызу жөніндегі өкiлеттiк берiлген лауазымды тұлғаларының тiзбесiнде:
"Жалпы ережелер" деген бөлiмде:
1-тармақ мынадай мазмұндағы үшiншi және төртiншi абзацтармен толықтырылсын:
"Қазақстан Республикасының Президентi Әкiмшiлiгiнiң Басшысы мен Қазақстан Республикасының Премьер-Министрі Кеңсесiнің Басшысына "Мемлекеттік құпиялар туралы" Қазақстан Республикасы Заңының 11, 12, 13, 14-баптарында айқындалған барлық мәлiметтердi Қазақстан Республикасының мемлекеттік құпияларына жатқызу жөнiнде өкілеттік берiледi.
Қазақстан Республикасы Президентінің Әкiмшiлiгі мен Қазақстан Республикасы Премьер-Министрінiң Кеңсесi өзара келiсуден кейiн өздерiнiң құпияландыруға жататын мәліметтердің ведомстволық тізбелерін бекітеді.";
1-бөлiмде:
1-бағанда:
"Президент Әкiмшiлiгiнiң Басшысы,", "Премьер-Министр Кеңсесiнiң Басшысы," деген сөздер алынып тасталсын;
"Төтенше жағдайлар жөніндегі агенттіктiң төрағасы" деген сөздер "Төтенше жағдайлар министрi" деген сөздермен ауыстырылсын;
он үшiншi абзацта "Мемлекеттік материалдық резервтер жөніндегі агенттіктiң төрағасы" деген сөздер алынып тасталсын;
жиырмасыншы, жиырма бiрiншi абзацтарда "Көлiк және коммуникациялар министрi" деген сөздер алынып тасталсын;
