ҚР Қаржы министрлігі 2007 жылғы 19 желтоқсандағы № 468 бұйрығымен 2008 ж. 1 қаңтардан бастап күші жойылды
Қазақстан Республикасы
Қаржы министрлігінің
Салық комитеті Төрағасының
2006 жылғы 13 желтоқсандағы
№ 637 бұйрығымен бекітілген
Тіркелген жиынтық салық пен акциз бойынша
бірыңғай оңайлатылған декларацияны жасау
ережелері
(940.00-нысан)
1. Жалпы ережелер
1. Осы Ережелер “Салық және бюджетке төленетін басқа да міндетті төлемдер туралы” Қазақстан Республикасының Кодексіне (Салық кодексі) сәйкес әзірленген және тіркелген жиынтық салық пен акциз бойынша Бірыңғай оңайтылған декларацияны, қоса беріп отырған нысандарды (бұдан әрі - нысандар) жасаудың тәртібін қарастырады:
1) 940.00 нысан бойынша тіркелген жиынтық салық пен акциз бойынша Бірыңғай оңайтылған декларация (бұдан әрі - 940.00 нысан бойынша Бірыңғай оңайтылған декларация);
2) 940.01 нысан бойынша тіркелген жиынтық салық пен акциз сомасын есептеу бойынша Бірыңғай оңайтылған декларацияға қосымша (бұдан әрі - 940.01 нысан бойынша қосымша).
2. 940.00 нысан бойынша Бірыңғай оңайтылған декларация арнайы салық режимі бойынша жеке кәсіпкерлерліктің жеке түрлері үшін бюджетпен есептесуге арналған.
940.01 нысанға қосымша салық төлеушілердің тіркелген жиынтық салық және акциз сомасын есептеуге арналған.
3. Нысанды жасау кезінде:
1) қағаз тасығышта - қара немесе көк сия қаламмен немесе қаламұшпен, баспа әріптермен немесе баспа құрылғысын пайдалана отырып толтырылады;
2) электрондық тасығышта - Салық кодексінің 69-бабына сәйкес толтырылады.
4. Нысанды толтыру кезінде түзетулерге, тазартуларға және өшіруге жол берілмейді.
5. Тиісті торкөздерінің көрсеткіштері жоқ болған кезде нысан толтырылмайды.
6. Нысанды беру кезінде:
1) келу тәртібінде қағаз тасығышта нысандар екі данада жасалады, бір данасы салық органының белгісімен бірге салық органына қайтарылады;
2) хабарламалы тапсырысты хатпен почта бойынша - салық төлеуші почта немесе байланыстың өзге ұйымының хабарламасын алады;
