Мемлекеттік қызметтерді көрсету стандарттарын бекіту туралы Қазақстан Республикасы Қаржы Министрінің 2007 жылғы 19 желтоқсандағы № 469 бұйрығы (күші жойылды)

Мемлекеттік қызметтерді көрсету стандарттарын бекіту туралы
Қазақстан Республикасы Қаржы Министрінің 2007 жылғы 19 желтоқсандағы № 469 бұйрығы

ҚР Қаржы министрінің 2011 жылғы 23 маусымдағы № 325 бұйрығымен күші жойылды

Қазақстан Республикасы Үкіметінің 2007 жылғы 15 қаңтардағы № 20 қаулысымен бекітілген Қазақстан Республикасы Президентінің 2007 жылғы 13 қаңтардағы № 273 «Қазақстан Республикасының мемлекеттік басқарудың жүйесін модернизациялау бойынша шаралары туралы» Жарлығын жүзеге асыру бойынша Жұмыс кестесінің 2.2.-тармағын орындауда және «Салықтар және бюджетке басқа міндетті төлемдері туралы» (Салық кодексі) Қазақстан Республикасының Кодексіне сәйкес БҰЙЫРАМЫН:

Мемлекеттік қызметтерді көрсетудің қоса беріліп отырған стандарттары бекітілсін:

«Қазақстан Республикасының салық төлеушілерін тіркеу»;

«Қосылған құн салығын (ҚҚС) төлеушілерді тіркеу»;

«Жеке кәсіпкерлерді тіркеу»;

«Электронды салық төлеушілер» ретінде салық төлеушілерді тіркеу»;

«Акцизделген өнім мен мазуттың кейбір түрлерін шығарушылар мен импорттаушылар товарларына жеке сәйкестендіру номерін (ЖСН-код)»;

«Салық салумен байланысты объектілер мен салық салу объектілерін тіркеу»;

«Фискалды жадымен бақылау-кассалық машинаны (ФЖ БКМ) тіркеу және есептен алып тастау»;

«Салық берешегі, міндетті зейнетақы жарнасы мен әлеуметтік аударымдар бойынша салық төлеушінің салық берешегі жоқ (бар) екендігі туралы анықтама, жеке шоттан көшірмелерді беру»;

«Қазақстан Республикасы көзінен алынған табыстар және ұсталған салықтар соммалары туралы анықтама беру»;

«Салық төлеушілердің резиденттілігін растау»;

«Салық есептілгін қабылдау»;