ҚР Сыртқы істер министрінің 2015 жылғы 10 тамыздағы № 11-1-2/328 бұйрығымен күші жойылды
Қазақстан Республикасы
Сыртқы істер министрінің м.а.
2014 жылғы 19 наурыздағы
№ 08-1-1-1/87 бұйрығымен
бекітілген
«Қазақстан Республикасының қызметтік паспорттарын беру»
мемлекеттік көрсетілетін қызмет регламенті
1. Жалпы ережелер
1. Мемлекеттік қызметті Қазақстан Республикасының Сыртқы істер министрлігі (бұдан әрі - көрсетілетін қызметті беруші) көрсетеді.
2. Мемлекеттік қызмет көрсету нысаны: қағаз түрінде.
3. Мемлекеттік қызмет көрсету нәтижесі - Қазақстан Республикасының қызметтік паспортын беру (бұдан әрі - паспорт).
2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимыл тәртібін сипаттау
4. Көрсетілетін қызметті алушының өтініші мемлекеттік қызмет көрсету рәсімін (іс-қимылын) бастамау үшін негіз болып табылады.
5. Қазақстан Республикасы Үкіметінің 2014 жылғы 24 ақпандағы № 145 қаулысымен бекітілген «Қазақстан Республикасының қызметтік паспорттарын беру» мемлекеттік қызмет стандартының 2-бабының 4 тармағына сәйкес, қызметтік паспортты беру жөніндегі мемлекеттік қызмет көрсету процесі мынадай рәсімдерден тұрады:
1) 1-ші процесс - көрсетілетін қызметті берушінің консулдық қызметшісінің құжаттарды қабылдауы, тексеруі, тіркеуі;
2) 2-ші процесс - көрсетілетін қызметті берушінің басқарушы адамның қабылданған құжаттарды қарауы;
3) 3-ші процесс - көрсетілетін қызметті берушінің консулдық қызметшісінің паспортты жасауы;
4) 4-ші процесс - көрсетілетін қызметті алушыға паспорт беру.
6. Мемлекеттік қызмет көрсету рәсімінің (іс-қимылдың) нәтижесі мынадай рәсімді (іс-қимылды) орындауды бастау үшін негіз болады:
1) 1-ші процесс бойынша - құжаттарды қабылдау туралы өтініштің көшірмесіне белгі қою;
2) 2-ші процесс бойынша - басқарушы адамның паспортты жасау туралы қарары;
3) 3-ші процесс бойынша - паспортты беруге дайындау.
Мемлекеттік көрсетілетін қызмет алдын ала жазылусыз және жедел қызмет көрсетусіз, кезек күту тәртібінде көрсетіледі.
