ҚР Инвестициялар және даму министрінің м.а. 2015 жылғы 24 тамыздағы № 880 бұйрығымен күші жойылды
Қазақстан Республикасы
Премьер-Министрінің орынбасары-
Қазақстан Республикасы Индустрия
және жаңа технологиялар министрінің
2014 жылғы 5 мамырдағы
№ 153 бұйрығына
3-қосымша
«Сәйкестікті растау, аккредиттеу, тауардың шығарылған елін, Кеден одағы тауарының немесе шетел тауарының
мәртебесін айқындау жөніндегі сарапшы-аудиторды аттестаттау»
мемлекеттік көрсетілетін қызмет регламенті
1. Жалпы ережелер
1. «Сәйкестікті растау, аккредиттеу, тауардың шығарылған елін, Кеден одағы тауарының немесе шетел тауарының мәртебесін айқындау жөніндегі сарапшы-аудиторды аттестаттау» мемлекеттік қызметті (бұдан әрі - мемлекеттік көрсетілетін қызмет) Қазақстан Республикасы Индустрия және жаңа технологиялар министрлігінің Техникалық реттеу және метрология комитеті (бұдан әрі - көрсетілетін қызметті беруші) көрсетеді.
2. Көрсетілетін мемлекеттік қызмет нысаны - электронды (жартылай автоматтандырылған) және (немесе) қағаз.
3. Мемлекеттік қызмет көрсету нәтижесі сәйкестікті растау, аккредиттеу жөніндегі сарапшы-аудитор аттестатын (бұдан әрі - аттестат) немесе тауардың шығарылған елін, Кеден одағы тауарының немесе шетел тауарының мәртебесін айқындау жөніндегі сарапшы-аудитордың біліктілік аттестаттын (бұдан әрі - біліктілік аттестаты), сарапшы-аудитор аттестатының телнұсқасын немесе біліктілік аттестатын беру болып табылады.
2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (жұмыскерлерінің) іс-әрекеттері тәртібін сипаттау
4. Рәсімді (іс-әрекетті) бастау негізі Қазақстан Республикасы Үкіметінің 2014 жылғы 4 наурыздағы № 175 қаулысымен бекітілген «Сәйкестікті растау, аккредиттеу, тауардың шығарылған елін, Кеден одағы тауарының немесе шетел тауарының мәртебесін айқындау жөніндегі сарапшы-аудиторды аттестаттау» мемлеткеттік көрсетілетін қызмет стандартының 9-тармағына сәйкес, құжаттар тізбесін қоса бере отырып, заңды және жеке тұлға үшін белгіленген нысанда өтініш беру болып табылады.
