Қазақстан Республикасы
Ішкі істер министрінің
2014 жылғы 29 шілдедегі
№ 477 бұйрығына 1-қосымша
Қазақстан Республикасы Ішкі істер министрлігінің Штаб-департаменті туралы
ереже
1. Жалпы ережелер
1. Штаб-департамент (бұдан әрі - Штаб) ішкі істер органдарының бірыңғай жүйесінің қызметін үйлестіруді және жоспарлауды қамтамасыз ететін және жүзеге асыратын Қазақстан Республикасы Ішкі істер министрлігінің (бұдан әрі - ІІМ) құрылымдық бөлінісі болып табылады.
2. Штаб өз қызметінде Қазақстан Республикасының Конституциясын, заңдарын және Қазақстан Республикасының Президенті мен Үкіметінің актілерін, Қазақстан Республикасының халықаралық келісімдерін, өзге де нормативтік құқықтық актілерін, сондай-ақ осы Ережені басшылыққа алады.
3. Штабтың құрылымы, штаттық саны Қазақстан Республикасы заңнамасымен белгіленген тәртіпте Ішкі істер министрімен бекітіледі.
4. Штаб:
1) басшылықтан;
2) ұйымдастырушылық-талдау жұмысы басқармасынан;
3) жоспарлау және бақылау басқармасынан;
4) үйлестіру басқармасынан;
5) есепке алу-тіркеу тәртібін бақылау басқармасынан;
6) аймақтық бақылау және инспекциялау тобынан;
7) кеңседен тұрады.
2. Штабтың негізгі тапсырмалары, функциялары, құқықтары және міндеттері
5. Міндеті: Ішкі істер министрінің қызметін ақпараттық-аналитикалық қамтамасыз ету.
Функциялары:
1) елдегі жедел жағдайдың жай-күйі, ішкі істер органдары жұмысының нәтижелері туралы ақпараттық-анықтамалық материалдарды, құқықтық тәртіпті қамтамасыз етуде кездесетін проблемаларды жою бойынша ұсыныстарды дайындайды;
2) Қазақстан Республикасы Президенті Әкімшілігінде, Қауіпсіздік Кеңесінде, Үкіметте, Конституциялық Кеңесте, Үйлестіру Кеңесінде және басқа да жоғары тұрған және консультациялық-кеңесші органдарда заңдылықты, құқықтық тәртіпті қамтамасыз ету және қылмысқа қарсы күрес бойынша болатын отырыстарға (кеңестерге) ақпараттық-аналитикалық материалдарды, баяндама мен сөз сөйлеу тезистерін әзірлеуді қамтамасыз етеді.
