«Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығына өзгерістер мен толықтырулар енгізу туралы
Қазақстан Республикасы Ауыл шаруашылығы министрінің 2025 жылғы 4 маусымдағы № 189 бұйрығы
БҰЙЫРАМЫН:
1. «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығына (Нормативтік құқықтық актілерді мемлекеттік тіркеу тізілімінде № 18404 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Асыл тұқымды мал шаруашылығын дамытуды, мал шаруашылығы өнімдерінің өнімділігін және сапасын арттыруды субсидиялау қағидаларында:
мынадай мазмұндағы 1-1-тармағымен толықтырылсын:
«1-1. Субсидиялаудың негізгі мақсаты асыл тұқымды мал шаруашылығын дамыту, өнімнің өнімділігі мен сапасын арттыру, оның ішінде асыл тұқымды малдың, өнімнің (материалдың), көрсетілетін қызметтердің қолжетімділігін арттыру, сондай-ақ өндірілетін мал шаруашылығы өнімін өндіруге арналған шығындарды арзандату болып табылады.»;
2-тармақтағы:
1-1) тармақша мынадай редакцияда жазылсын:
