Қазақстан Республикасы
Ауыл шаруашылығы министрінің
2025 жылғы 19 желтоқсандағы
№ 477 бұйрығына
1-қосымша
«Қантты кондитерлік өнімдер мен какао ұнтағын өндіру»
кәсіптік стандарты
1-тарау. Жалпы ережелер
1. Кәсіптік стандарттың қолданылу аясы: «Қантты кондитерлік өнімдер мен какао ұнтағын өндіру» кәсіптік стандарты «Кәсіптік біліктілік туралы» Қазақстан Республикасының Заңы 5-бабының 5-тармағына сәйкес әзірленген және кондитерлік өнімдерді, оның ішінде шоколадты, карамельді, вафельді және басқа да қантты өнімдерді, сондай-ақ какао ұнтағын өндірумен айналысатын жұмыскерлердің еңбегін және кәсіптік қызметін ұйымдастыру саласында қолданылады. Бұл стандарт жұмыскерлердің біліктілігіне қойылатын талаптарды регламенттейді, олардың міндеттерін, құқықтарын сипаттайды, сондай-ақ осы саладағы кәсіби функцияларды тиімді және қауіпсіз орындау үшін қажетті білім, дағды және машықты белгілейді. Ол өндірістің— шикізатты сатып алудан бастап дайын өнімді шығаруға дейін, сондай-ақ өнім сапасын бақылау, қаптау және сақтау үдерістерін қоса алғанда барлық кезеңдерінде қолданылады
2. Осы кәсіптік стандартта мынадай терминдер мен анықтамалар қолданылады:
1) Білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;
2) Дағды - кәсіптік міндетті толығымен орындауға мүмкіндік беретін білім мен машықты қолдану қабілеті;
3) Какао майы - құрамында май қышқылдары бар какао бұршақтарынан немесе какао бұршақтарының құрамдас бөліктерінен алынған май қышқылдары триглицеридтері мен ілеспе заттардың қоспасы;
4) Какао ұнтағы - құрамында 12-20 % какао майы және 7,5 %-дан аспайтын ылғал бар ұсақ ұнтақталған, жартылай майсыз үгітілген какаодан жасалған кондитерлік өнім;
5) Карамель - ылғалдың массалық үлесі 4%-дан аспайтын шикізат пен тағамдық қоспалардың, хош иістендіргіштердің басқа түрлерін қосып немесе қоспай, қант пен сірненің қайнатылған қоспасы негізінде карамель массасынан жасалған құйылған қантты кондитерлік өнім;
