Аумақтық ішкі істер органдарының және қылмыстық-атқару жүйесінің, Қазақстан Республикасының Ішкі істер министрлігіне ведомстволық бағынысты ұйымдардың құрылымдық бөліністері туралы үлгілік ережелерді бекіту туралы
Қазақстан Республикасы Ішкі істер министрінің 2014 жылғы 29 шілдедегі № 478 бұйрығы
(2015.19.01. берілген толықтырулармен)
Осы редакция 2016 жылғы 13 сәуірде енгізілген өзгерістеріне дейін қолданылды
«Қазақстан Республикасының ішкі істер органдары туралы» Қазақстан Республикасының 2014 жылғы 23 сәуірдегі Заңының 11-бабының 25) тармақшасына сәйкес БҰЙЫРАМЫН:
1. Мынадай:
1) осы бұйрыққа 1-қосымшаға сәйкес Ішкі істер департаментінің қаладағы, аудандағы, станциядағы аумақтық (желілік) ішкі істер органы туралы үлгілік ереже;
2) осы бұйрыққа 2-қосымшаға сәйкес Қылмыстық-атқару жүйесінің түзеу мекемесінің туралы үлгілік жарғы;
3) осы бұйрыққа 3-қосымшаға сәйкес Қылмыстық-атқару жүйесінің тергеу изоляторы туралы үлгілік жарғы;
4) осы бұйрыққа 4-қосымшаға сәйкес Қылмыстық-атқару жүйесі департаменті сотталғандар арасындағы тәрбие жұмысы бөлінісі (бөлімі, бөлімшесі, тобы) туралы үлгілік ереже;
5) осы бұйрыққа 5-қосымшаға сәйкес Қылмыстық-атқару жүйесі түзеу мекемесінің және тергеу изоляторының сотталғандар арасындағы тәрбие жұмысы бөлінісі (бөлімі, бөлімшесі, тобы) туралы үлгілік ереже;
6) осы бұйрыққа 6-қосымшаға сәйкес Қылмыстық-атқару жүйесі департаменті кадр жұмысы бөлінісі (бөлімі, бөлімшесі, тобы) туралы үлгілік ереже;
7) осы бұйрыққа 7-қосымшаға сәйкес Қылмыстық-атқару жүйесі түзеу мекемесінің және тергеу изоляторының кадр жұмысы бөлімі (бөлімшесі, тобы) туралы үлгілік ереже;
8) осы бұйрыққа 8-қосымшаға сәйкес Қылмыстық-атқару жүйесі департаменті медициналық қамтамасыз ету бөлінісі (бөлімі, бөлімшесі, тобы) туралы үлгілік ереже;
