Қазақстан Республикасы Ауыл шаруашылығы министрлігі мен Біріккен
Ұлттар Ұйымының Еуропалық экономикалық комиссиясы арасындағы
Қазақстан Республикасының су саясаты жөніндегі ұлттық диалог бойынша өзара түсіністік туралы
меморандум
(Женевада (Швейцария) 2017 жылғы 28 ақпан)
ҚР Ауыл шаруашылығы министрлігінің 2017 жылғы наурыздағы № 100 бұйрығыменмақұлданды
Қазақстан Республикасы Ауыл шаруашылығы министрлігі мен Біріккен Ұлттар Ұйымының Еуропалық экономикалық комиссиясы (бұдан әрі - Тараптар):
су ресурстарын интеграцияланған басқару (СРИБ), сондай-ақ сумен жабдықтау және су бұру (СЖжәнеСБ) саласындағы су саясаты жөніндегі ұлттық диалогтар Шығыс Еуропа, Кавказ және Орталық Азия елдерінде Еуропалық Одақтың Су бастамасын (ЕОСБ) іске асырудың негізгі тетігі болып табылатындығын;
Су саясаты жөніндегі ұлттық диалогтар шеңберінде Біріккен Ұлттар Ұйымының Еуропалық экономикалық комиссиясы (БҰҰ ЕЭК) СРИБ бойынша жұмыс жүргізетіндігін, ал Экономикалық ынтымақтастық және даму ұйымы (ЭЫДҰ) СЖжәнеСБ бойынша жұмыс жүргізетіндігін;
2011 жылы Қазақстан ЕОСБ-ның екінші сатысына қатысушы елдердің тізіміне енгізіліп, Қазақстан Республикасының су саясаты жөніндегі ұлттық диалог (ССҰД) бойынша ведомствоаралық үйлестіру кеңесінің бірінші кеңесі, сондай-ақ одан кейін бірқатар жекелеген іс-шаралар өткізілгендігін ескере отырып;
төмендегілер туралы келісті:
1-бап
Мақсаттар
Осы Қазақстан Республикасы Ауыл шаруашылығы министрлігі мен БҰҰ ЕЭК арасындағы ССҰД бойынша өзара түсіністік туралы меморандумның (бұдан әрі - Меморандум) мақсаттары:
Қазақстан Республикасы Ауыл шаруашылығы министрлігі мен БҰҰ ЕЭК-нің ССҰД-ны қолдану жөніндегі іс-қимылдарын пысықтау;
