«Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы» Қазақстан Республикасы Білім және ғылым министрінің 2012 жылғы 8 қарашадағы № 500 бұйрығына өзгеріс пен толықтырулар енгізу туралы
Қазақстан Республикасы Білім және ғылым министрінің 2020 жылғы 17 тамыздағы № 350 бұйрығы
БҰЙЫРАМЫН:
1. «Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы» Қазақстан Республикасы Білім және ғылым министрінің 2012 жылғы 8 қарашадағы № 500 бұйрығына (Нормативтік құқықтық актілерді мемлекеттік тіркеу тізілімінде № 8170 болып тіркелген, 2013 жылдың 23 ақпанында № 69-70 (27343-27344) «Егемен Қазақстан» газетінде жарияланды) мынадай өзгеріс пен толықтырулар енгізілсін:
1-тармақта:
1)-5), 11)-15), 21)-30) тармақшалар алынып тасталсын;
124) тармақша мынадай редакцияда жазылсын:
«124) осы бұйрыққа 124-қосымшаға сәйкес оқыту ұйғыр, өзбек, тәжік тілдерінде жүргізілетін жаратылыстану-математика бағыты бойынша жалпы орта білім берудің (жаңартылған мазмұнның) үлгілік оқу жоспары;»;
мынадай мазмұндағы 125), 126), 127) және 128) тармақшалармен толықтырылсын:
125) осы бұйрыққа 125-қосымшаға сәйкес оқыту қазақ тілінде жүргізілетін олимпиада резервінің Республикалық мамандандырылған мектеп-интернат-колледжі, спорттағы дарынды балаларға арналған мамандандырылған мектеп-интернаттары, облыстық мамандандырылған олимпиада резервінің балалар мен жасөспірімдер мектептері үшін негізгі орта білім берудің (жаңартылған мазмұндағы) үлгілік оқу жоспары;
126) осы бұйрыққа 126-қосымшаға сәйкес оқыту орыс тілінде жүргізілетін олимпиада резервінің Республикалық мамандандырылған мектеп-интернат-колледжі, спорттағы дарынды балаларға арналған мамандандырылған мектеп-интернаттары, облыстық мамандандырылған олимпиада резервінің балалар мен жасөспірімдер мектептері үшін негізгі орта білім берудің (жаңартылған мазмұндағы) үлгілік оқу жоспары;
