Қазақстан Республикасы Конституциялық
Кеңесінің 2002 ж. 19 сәуірдегі
№ 1 қаулысымен бекітілді
Осы редакция 2020 жылғы 15 сәуірде енгізілген өзгерістеріне дейін қолданылды
Қазақстан Республикасы Конституциялық Кеңесінің
регламенті
(2019.11.04. берілген өзгерістер мен толықтыруларымен)
ҚР Конституциялық Кеңесінің 2005.31.03. № 9-3/I Қаулысымен мәтініндегі «Қазақстан Республикасы Президентінің «Қазақстан Республикасының Конституциялық Кеңесі туралы» конституциялық заң күші бар Жарлығы» және «Жарлықтың» деген сөздер «Қазақстан Республикасының Конституциялық заңы» және «Конституциялық заңның» деген сөздермен ауыстырылды (бұр.ред.қара)
ҚР Конституциялық Кеңесінің 2009.08.01. № 2 Нормативтік Қаулысымен мәтіні бойынша бөлімдердегі «I», «II», «Ш» деген римцифрлары «1.», «2.», «3.» деген араб цифрларымен ауыстырылсын. Баптардың тақырыптарындағы «бап» деген сөз және баптардың атаулары алынып тасталды (бұр.ред.қара);
ҚР Конституциялық Кеңесінің 2018.24.01. № 1 Нормативтік қаулысымен Регламенттің бүкіл мәтіні бойынша «Қазақстан Республикасының Конституциялық заңы» және «Қазақстан Республикасының Конституциялық Кеңесі туралы» Конституциялық заң» деген сөздер «Конституциялық заң» деген сөздермен ауыстырылды;
2) Регламенттің бүкіл мәтіні бойынша «Кеңес Төрағасы», «Кеңес мүшесі», «Кеңес отырысы», «Кеңес аппараты» және «осы регламент» деген сөздер тиісінше «Конституциялық Кеңес Төрағасы», «Конституциялық Кеңес мүшесі», «Конституциялық Кеңес отырысы», «Аппарат» және «осы Регламент» деген сөздермен ауыстырылды (бұр.ред.қара)
1. тарау
Конституциялық іс жүргізуді қозғаудың және қарауға берілетін материалдарды дайындаудың тәртібі
ҚР Конституциялық Кеңесінің 2009.08.01. № 2 Нормативтік Қаулысымен 1-бап жаңа редакцияда (бұр.ред.қара); ҚР Конституциялық Кеңесінің 2018.24.01. № 1 Нормативтік қаулысымен 1-тармақ жаңа редакцияда (бұр.ред.қара)
1. Қазақстан Республикасы Конституциясының 72-бабының 1 және 2-тармақтарында келтірілген субъектілердің өтініші конституциялық іс жүргізу қозғауға себеп болып табылады.
