Осы редакция 2016 жылғы 13 сәуірде енгізілген өзгерістеріне дейін қолданылды
Қазақстан Республикасы
Ішкі істер министрінің
2014 жылғы 29 шілдедегі
№ 478 бұйрығына
115-қосымша
Ішкі істер департаментінің ішкі бақылау бөлінісі (бөлім, бөлімше, топ) туралы
үлгілік ереже
1. Жалпы ережелер
1. Ішкі бақылау бөлінісі (бөлім, бөлімше, топ) (бұдан әрі - бөлініс) Ішкі істер департаментінің (бұдан әрі - ІІД) құрылымдық бөлінісі болып табылады, ол ІІД-нің бастығына бағынысты және оған есеп береді.
2. Бөлініс өз қызметінде Қазақстан Республикасының Конституциясын, заңдарын, Қазақстан Республикасы Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Бөліністің құрылымын, штат санын Қазақстан Республикасының заңнамасында белгіленген тәртіппен Қазақстан Республикасының Ішкі істер министрі бекітеді.
4. Бөлініс:
1) ____________________________________;
2) ____________________________________;
3) ____________________________________ тұрады.
2. Бөліністің негізгі міндеттері, функциялары, құқықтары мен міндеттемелері
5. Міндеті: ІІД-нің қарамағындағы облыстық бюджет есебінен қаржыландырылатын (республикалық маңызы бар қалалар) құрылымдық бөліністер мен ведомстволық бағынысты ұйымдарда ішкі мемлекеттік қаржылық бақылауды жүзеге асыру.
Функциялары:
1) ІІД-нің бастығы бекіткен Жоспарға сәйкес ішкі істер органдарының бөліністеріне ішкі бақылау жүргізу;
2) мемлекеттік мекемелердің Қазақстан Республикасының бюджеттік және өзге де заңнамаларын сақтауын тексеруді жүзеге асыру;
3) мемлекеттік мекеменің стратегиялық және операциялық жоспарларының іске асырылуын бақылауды, нәтижелерін бағалауды жүзеге асыру;
4) күнделікті қызметтік жұмыс процесінде мемлекеттік құпияларды қорғауды қамтамасыз ету;
5) тергеу органдарының қаулылары мен IIД басшылығының нұсқаулары бойынша ішкі істер органдарында ішкі бақылау жүргізу;
6) Қазақстан Республикасының заңнамасында көзделген өзге де функцияларды жүзеге асыру.
