Қазақстан Республикасы Үкіметінің «Қазақстан Республикасы Ауыл шаруашылығы министрлігінің кейбір мәселелері» туралы 2005 жылғы 6 сәуірдегі № 310 және «Халықаралық мақта жөніндегі консультативтік комитетпен ынтымақтастықтың кейбір мәселелері туралы» 2008 жылғы 3 сәуірдегі № 316 қаулыларына өзгерістер мен толықтырулар енгізу туралы
Қазақстан Республикасы Үкіметінің 2021 жылғы 19 наурыздағы № 159 Қаулысы
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
1) «Қазақстан Республикасы Ауыл шаруашылығы министрлігінің кейбір мәселелері» туралы Қазақстан Республикасы Үкіметінің 2005 жылғы 6 сәуірдегі № 310 қаулысында (Қазақстан Республикасының ПҮАЖ-ы, 2005 ж., № 14, 168-құжат):
көрсетiлген қаулымен бекiтiлген Қазақстан Республикасы Ауыл шаруашылығы министрлігі туралы ережеде:
16-тармақта:
мынадай мазмұндағы 62-1), 62-2), 62-3) және 95-5) тармақшалармен толықтырылсын:
«62-1) астық нарығы жөніндегі операторды айқындайды;
62-2) астықтың резервтік қорын басқару жөніндегі қағидаларды әзірлейді және бекітеді;
62-3) астық нарығы жөніндегі оператордың астықтың резервтік қорын сақтау бойынша шығыстарын өтейді;»;
«95-5) мемлекеттік ветеринариялық-санитариялық бақылау мен қадағалауды жүзеге асыру кезінде фото және бейнетүсірілімге арналған техникалық құралдарды пайдалану қағидаларын әзірлейді және бекітеді;»;
