«Мемлекеттік білім беру ұйымдарының жатақханаларындағы орындарды бөлу қағидаларын бекіту туралы» Қазақстан Республикасы Білім және ғылым министрінің 2016 жылғы 22 қаңтардағы № 66 бұйрығына өзгерістер енгізу туралы
Қазақстан Республикасы Білім және ғылым министрінің 2018 жылғы 19 қазандағы № 581 бұйрығы
БҰЙЫРАМЫН:
1. «Мемлекеттік білім беру ұйымдарының жатақханаларындағы орындарды бөлу қағидаларын бекіту туралы» Қазақстан Республикасы Білім және ғылым министрінің 2016 жылғы 22 қаңтардағы № 66 бұйрығына (Қазақстан Республикасының нормативтік құқықтық актілерін мемлекеттік тіркеу тізілімінде № 13487 болып тіркелген, «Әділет» ақпараттық-құқықтық жүйесінде 2016 жылғы 28 сәуірде жарияланған) мынадай өзгерістер енгізілсін:
көрсетілген бұйрықтың тақырыбы мынадай редакцияда жазылсын:
«Білім беру ұйымдарының жатақханаларындағы орындарды бөлу қағидаларын бекіту туралы»;
көрсетілген бұйрықтың 1-тармағы мынадай редакцияда жазылсын:
«1. Қоса беріліп отырған Білім беру ұйымдарының жатақханаларындағы орындарды бөлу қағидалары бекітілсін.»;
көрсетілген бұйрықпен бекітілген мемлекеттік білім беру ұйымдарының жатақханаларындағы орындарды бөлу қағидаларында:
тақырыбы мынадай редакцияда жазылсын:
«Білім беру ұйымдарының жатақханаларындағы орындарды бөлу қағидалары»;
1 және 2-тармақтар мынадай редакцияда жазылсын:
«1. Осы Білім беру ұйымдарының жатақханаларындағы орындарды бөлу қағидалары (бұдан әрі - Қағидалар) «Білім туралы» 2007 жылғы 27 шілдедегі Қазақстан Республикасы Заңының 5-бабының 46-13) тармақшасына сәйкес әзірленді.
2. Қағидалар білім алушылар үшін жатақханаларда тұруға орын бөлудің негізділігі мен кезектілігін ескере отырып, Қазақстан Республикасының Президенті жанындағы білім беру ұйымдарын қоспағанда, білім беру ұйымдарына (бұдан әрі - ұйым) меншік құқығында тиесілі немесе өзге заңдық негізде ұйымдардың иелігінде тұрған жатақханаларындағы орындарды бөлу тәртібін айқындайды.
