«2016 жылғы халықтың нысаналы топтарына жататын адамдардың қосымша тізбесін белгілеу туралы» Астана қаласы әкімдігінің 2015 жылғы 28 желтоқсандағы № 158-2401 Қаулысы (күші жойылды)

2016 жылғы халықтың нысаналы топтарына жататын адамдардың қосымша тізбесін белгілеу туралы
Астана қаласы әкімдігінің 2015 жылғы 28 желтоқсандағы № 158-2401 Қаулысы

Астана қаласы әкімдігінің 2016 жылғы 27 қыркүйектегі № 158-1753 Қаулысымен күші жойылды

«Халықты жұмыспен қамту туралы» 2001 жылғы 23 қаңтардағы Қазақстан Республикасының Заңының 5, 7-баптарына сәйкес Астана қаласының әкімдігі ҚАУЛЫ ЕТЕДІ:

1. Халықтың нысаналы топтарына мынадай санаттар қосымша белгіленсін:

1) елу жасқа толған адамдар;

2) жиырма тоғыз жасқа дейінгі жастар;

3) жұмыс берушінің бастамасы бойынша жалақысы сақталмайтын мәжбүрлі демалыстағы адамдар;

4) мүгедек баланы тәрбиелеп отырған ата-аналар (бала асырап алушылар, қорғаншылар, қамқоршылар);

5) техникалық және кәсіби білім беру ұйымдарының түлектері;

6) ұзақ уақыт (бір жылдан аса) жұмыс істемейтін адамдар;

7) есірткіге тәуелдіктен емдеу мен оңалту курстарынан өткен адамдар.