Цифрлық эфирлік телерадио хабарларын таратуға көшу мерзімдерін белгілеу туралы
Қазақстан Республикасы Ақпарат және коммуникациялар министрінің 2018 жылғы 13 маусымдағы № 262 бұйрығы
(2020.04.06. берілген өзгерістермен)
Осы редакция 2020 жылғы 30 қарашада енгізілген өзгерістеріне дейін қолданылды
«Телерадио хабарларын тарату туралы» Қазақстан Республикасының 2012 жылғы 18 қаңтардағы Заңының 42-бабының 2-тармағына сәйкес БҰЙЫРАМЫН:
ҚР Ақпарат және коммуникациялар министрінің 2018.27.09. № 417 бұйрығымен (бұр.ред.қара); ҚР Ақпарат және қоғамдық даму министрінің 2020.04.06. № 184 бұйрығымен (бұр.ред.қара) 1-тармақ жаңа редакцияда
1. Цифрлық эфирлік телерадио хабарларын таратуға көшудің мынадай мерзімдері айқындалсын:
1) бірінші кезең, 2018 жылғы 31 желтоқсанға дейін: Маңғыстау, Жамбыл, Түркістан облыстары және Шымкент қаласы;
2) екінші кезең, 2019 жылғы 1 шілдеге дейін: Алматы, Павлодар және Қостанай облыстары;
3) үшінші кезең, 2020 жылғы 1 желтоқсанға дейін: Солтүстік Қазақстан облысы және Алматы қаласы;
4) төртінші кезең, 2021 жылғы 1 желтоқсанға дейін: Қарағанды облысы және Нұр-Сұлтан қаласы;
5) бесінші кезең, 2022 жылғы 1 шілдеге дейін: Ақмола, Ақтөбе, Атырау, Шығыс Қазақстан, Батыс Қазақстан, Қызылорда облыстары.
