Қазақстан Республикасы Қаржы министрлігінің кейбір бұйрықтарына
өзгерістер мен толықтырулар енгізу туралы Қазақстан Республикасының
Қаржы министрінің 2002 жылғы 19 ақпанда № 71 бұйрығы
(ҚР Қаржы министрінің 2004.01.12. № 424 бұйрығымен енгізілген өзгерістерімен)
ҚР Қаржы министрінің 2006.16.08. № 304 бұйрығымен күші жойылды
"Бюджет жүйесi туралы" Қазақстан Республикасының Заңына өзгерістер мен толықтырулар енгізу туралы" Қазақстан Республикасының 2001 жылғы 6 желтоқсандағы Заңына сәйкес БҰЙЫРАМЫН:
1. Қазақстан Республикасы Қаржы министрлігінiң кейбір бұйрықтарына мынадай өзгерістер мен толықтырулар енгiзiлсiн:
1) "Қаржы жоспарын жасау және қолма-қол ақша тасқынын болжамдау жөніндегі нұсқаулықты бекіту туралы" Қазақстан Республикасы Қаржы министрлігінiң 1995 жылғы 18 қыркүйектегi № 239 бұйрығында:
көрсетiлген бұйрықпен бекітілген Қаржы жоспарын жасау және қолма-қол ақша тасқынын болжамдау жөніндегі нұсқаулықта:
нұсқаулықтың бүкiл мәтiнi бойынша "шығыстар сметасы", "шығыстар сметасымен" деген сөздер ауыстырылатын сөздердің септеулерi мен жекеше және көпше түрлерiне тиiсiнше "бюджеттік бағдарламаның (кiшi бағдарламаның) қаржыландыру жоспары" деген сөздермен ауыстырылсын;
3-қосымшада:
1 - Қазынашылық рұқсаты нысанын толтыру тәртібінде:
төртiншi абзац мынадай редакцияда жазылсын:
"- 1-бағанда он белгiден тұратын бюджеттік сыныптама коды: мекеме - 3 сан, бағдарлама - 3 сан, кiшi бағдарлама - 3 сан, экономикалық сыныптаманың ерекшелiгi - 3 сан (Қазынашылықтың аумақтық органдарында қызмет көрсетiлетiн, мемлекеттік ақпараттық "Баск-М" жүйесiнде (бұдан әрi - "Баск-М" жүйесi) жұмыс iстейтiн министрлiктер мен ведомстволарды қоспағанда), бұлармен бюджеттік сыныптама коды "Баск-М" жүйесiнде қолданылатын және он белгiден тұратын Бюджеттік сыныптама анықтамалығының шифрларына сәйкес көрсетiледi: мекеме - 3 сан, бағдарлама - 2 сан, кiшi бағдарлама - 2 сан, экономикалық сыныптаманың ерекшелiгi - 3 сан, бұлар бойынша шығыстар жүргiзу рұқсат етiлген;";
