Еуразиялық экономикалық қоғамдастыққа мүше мемлекеттердiң салық және
кеден органдары арасындағы ақпарат алмасу туралы
келісім
(Алматы қ., 2002 ж. 25 қаңтар)
Келісім Қазақстан Республикасы Үкіметінің 2002 ж. 29 шілдедегі № 844 қаулысына сәйкес бекітілді
Бұдан әрi Тараптар деп аталатын Беларусь Республикасының Yкіметі, Қазақстан Республикасының Yкіметі, Қырғыз Республикасының Үкіметі, Ресей Федерациясының Үкіметі және Тәжiкстан Республикасының Yкіметі,
1999 жылғы 26 ақпандағы Кеден одағы және Бiртұтас экономикалық кеңiстiк туралы шарттың және 2000 жылғы 10 қазандағы Еуразиялық экономикалық қоғамдастықты құру туралы шарттың ережелерiн басшылыққа ала отырып,
тауарларды (жұмыстарды, қызмет көрсетулердi) әкелу мен әкетуге, Еуразиялық экономикалық қоғамдастыққа (бұдан әрi - ЕурАзЭҚ) мүше мемлекеттердің мемлекеттік бюджеттерiне салықтардың, баждардың және өзге де төлемдердiң уақтылы және толық түсуiне бақылауды күшейтуде өзара мүдделiлiктi ескере отырып,
осы мақсатпен бiр-бiрiне жәрдем кәрсетудi қалай отырып,
төмендегi туралы келiстi:
1-бап
Осы Келісімде «құзыреттi органдар» терминiмен ЕурАзЭҚ мүше мемлекеттердiң салық және кеден органдары ұғынылады.
2-бап
Тараптар мемлекеттерiнiң әрбiрiнiң кеден және салық органдары өз құзыретi шеңберiнде оларға жүктелген мiндеттердің орындалуы үшiн қажеттi ақпаратпен алмасады.
Тараптар мемлекеттерiнiң әрбiрiнiң кеден органдары өз Тарабының салық органдарына қажеттi ақпаратты бередi.
Тараптардың салық органдары ЕурАзЭҚ мүше мемлекеттердiң құзыреттi салық органдары арасындағы ынтымақтастық туралы қолданылып жүрген үкiметаралық келісімдердiң шеңберiнде кеден органдарынан алынған ақпаратты бiр-бiрiне беруге құқығы бар.
Тараптар мемлекеттерiнiң әрбiрiнiң салық органдары өз Тарабының кеден органдарына қажеттi ақпаратты бередi.
