Қазақстан Республикасының Әдiлет министрлігінде № 1199 тiркелген Қазақстан Республикасының Ұлттық Банкi Басқармасының «Қазақстан Республикасының банктерiнде клиенттердiң банктiк есеп шоттарын ашу, жүргiзу және жабу тәртібі туралы нұсқаулықты бекіту туралы» 2000 жылғы 2 маусымдағы № 266 қаулысына өзгерістер мен толықтырулар енгізу туралы
Қазақстан Республикасының Ұлттық Банкi Басқармасының 2003 ж. 21 наурыздағы № 90 қаулысы
ҚР Ұлттық Банкі Басқармасының 2016.31.08. № 207 Қаулысымен күші жойылды
Қазақстан Республикасындағы банктерде клиенттердiң банктiк шоттарын ашу және жабу тәртібін реттейтiн нормативтiк құқықтық базаны жетiлдiру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДI:
1. Қазақстан Республикасының Ұлттық Банкi Басқармасының «Қазақстан Республикасының банктерiнде клиенттердiң банктiк есепшоттарын ашу, жүргiзу және жабу тәртібі туралы нұсқаулықты бекіту туралы» 2000 жылғы 2 маусымдағы № 266 қаулысына (Қазақстан Республикасының нормативтiк құқықтық актілерін мемлекеттік тiркеу тiзiлiмiнде № 1199 тiркелген, Қазақстан Республикасының Ұлттық Банкi Басқармасының 2001 жылғы 8 қазандағы № 382 қаулысымен бекітілген өзгерістерiмен қоса 2002 жылғы 17-30 шiлдеде Қазақстан Республикасы Ұлттық Банкінің «Қазақстан Ұлттық Банкінің Хабаршысы» және «Вестник Национального Банка Казахстана» басылымдарында жарияланған) мынадай өзгерістер мен толықтырулар енгiзiлсiн:
көрсетiлген қаулымен бекітілген Қазақстан Республикасының банктерiнде клиенттердiң банктiк есепшоттарын ашу, жүргiзу және жабу тәртібі туралы нұсқаулықта:
1-тармақтa:
«Қазақстан Республикасы Президентінің Қазақстан Республикасының Ұлттық Банкi туралы», Қазақстан Республикасындағы банктер және банк қызметi туралы» Заң күшi бар Жарлықтарына» деген сөздер «Қазақстан Республикасының Ұлттық Банкi туралы» , «Қазақстан Республикасындағы банктер және банк қызметi туралы» , «Ақша төлемi және аударымы туралы» Қазақстан Республикасының Заңдарына» деген сөздермен ауыстырылсын;
