Қазақстан Республикасы Үкіметінің 2002 жылғы 29 желтоқсандағы № 1429 қаулысына толықтырулар енгізу туралы Қазақстан Республикасы Үкіметінің 2003 ж. 25 желтоқсандағы № 150ао қаулысы

Қазақстан Республикасы Үкіметінiң 2002 жылғы 29 желтоқсандағы № 1429
қаулысына толықтырулар енгізу туралы Қазақстан Республикасы
Үкіметінің 2003 ж. 25 желтоқсандағы № 150ао қаулысы

Қазақстан Республикасының Үкіметі қаулы етеді:

1. "2003 жылға арналған республикалық бюджеттік бағдарламалардың паспорттарын бекіту туралы" Қазақстан Республикасы Үкіметінің 2002 жылғы 29 желтоқсандағы № 1429 қаулысына мынадай толықтырулар енгiзiлсiн:

көрсетiлген қаулыға 544-қосымшада:

"Бюджет бағдарламасын iске асыру жөніндегі iс-шаралар жоспары" деген 6-тармақ 5-бағанының 1-тармағы мынадай мазмұндағы 1.6, 1.7, 1.8, 1.9, 1.10, 1.11, 1.12, 1.13, 1.14, 1.15, 1.16, 1.17, 1.18, 1.19, 1.20-тармақшалармен толықтырылсын:

"1.6. шағын кәсіпкерлікті қолдаудың өңiрлiк бағдарламаларын жасау және бiрдейлендiру әдiстемелерiн әзiрлеу. Өңiрлерде шағын бизнестi қолдау жөніндегі iс-шараларды iске асыруға қажеттi ресурстарды негiздеу және есептеу;

1.7. қаржы ресурстарына қол жеткiзудi кеңейту мақсатында микрокредиттiк ұйымдардың қызметiне талдау жасау және мкирокредиттік ұйымдарды дамыту тұжырымдамасын әзірлеу;

1.8. кәсiпкерлiк саласына халықтың белсендi бөлiгiн тарту мақсатында кәсіпкердің оң беделiн қалыптастыру жөніндегі бағдарламаны әзiрлеу;

1.9. шағын кәсiпкерлiктi қолдау саласындағы мемлекеттік емес бiрлестiктер мен мемлекеттік органдардың өзара iс-қимыл тетiктерiн әзiрлеу;

1.10. рынокқа талдау жасау және бәсекелес артықшылықтар мен шығарылатын өнiм сапасын арттыруға қол жеткiзуге арналған құрал ретіндегі шағын бизнес субъектілерi үшiн автоматтандырылған ақпараттық жүйелердi енгізу жөніндегі ұсыныстарды әзiрлеу;

1.11. шетелдiк кәсiпкерлiктi қолдау миссиялары қызметiн зерделеу әрi талдау және олармен сындарлы өзара қатынастарды ұйымдастыру жөнінде ұстанымдар беру;

1.12. шағын және орта бизнес саласындағы франчайзинг жүйесiн дамытуды ынталандыру жөнiнде ұсынымдар әзiрлеу;

1.13. шағын және орта бизнес субъектiлерiн тексерудi жүзеге асыратын бақылау-қадағалау органдарының нормативтiк құжаттарына талдау жасау. Тексерулер жүргізу бөлiгінде олардың қызметін ретке келтiру және регламенттеу жөнiнде ұсынымдар әзiрлеу;

1.14. кредиттік бюро құру және оның жұмыс iстеу тетіктерiн әзiрлеу. Қазақстан Республикасында микрокредит берудiң мониторингi индикаторына талдау жасау және оны әзiрлеу;

1.15. шағын бизнестi қолдаудың қазiргі институттары: Республикалық ақпараттық-көрме орталығы мен Шағын кәсiпкерлiктi дамыту қоры базасында инновациялық инфрақұрылым құру шеңберiнде ақпараттық-технологиялық орталық қызметінің тұжырымдамасын әзiрлеу;

1.16 ұлттық компаниялар төңiрегінде кәсіпкерлiктің шағын нысандарын құру қағидаттары мен тәртібі жөніндегi тұжырымдаманы әзiрлеу мақсатында жүйе құраушы кәсiпорындар жанындағы шағын бизнестi қолдаудың қазіргі бағдарламаларына талдау жасау және оны қорыту;

1.17. кәсiпкерлiктi қолдаудың өңiрлiк институттарының қызметі практикасының оң тәжiрибесiн зерделеу. Осы тәжiрибенi ретке келтiру, бiрдейлендiру және көбейту жөніндегі ұсынымдарды әзiрлеу;

1.18. шағын және iрi бизнестiң өзара iс-қимылы қағидаттарын әзiрлеу. Қатысудың мемлекеттік үлесi жоқ iрi компаниялар үшiн аутсерсинг тетiгi жөнiнде ұсынымдар әзiрлеу;

1.19. шағын және орта бизнес кәсiпорындары таяу және алыс шет елдер рыноктарына шығаратын экспортқа бағдарланған тауарларды жылжытудың құралы ретiнде көрме-жәрмеңке қызметiн ұйымдастыру жөніндегі ұсынымдарды әзiрлеу;

1.20. шағын бизнестi қолдау саласындағы қолданыстағы заңнамаға талдау жасау, орын алып отырған қарама-қайшылықтарды айқындау және нормативтiк базаны жетілдiру жөнiнде ұсынымдар әзiрлеу".

2. Осы қаулы қол қойылған күнінен бастап күшiне енедi.

Қазақстан Республикасының