Қазақстан Республикасы Yкіметінiң 2004 жылғы 28 сәуірдегі
№ 475 қаулысына толықтырулар енгізу туралы Қазақстан
Республикасы Үкіметінің 2004 жылғы 25 маусымдағы № 707
Қаулысы
ҚР Үкіметінің 2008 жылғы 31 желтоқсандағы № 1313 Қаулысымен күші жойылды
"Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiнiң (Салық кодексi) 234-бабына сәйкес Қазақстан Республикасының Үкіметі қаулы етеді:
1. "Қаржы лизингi шарттары бойынша қаржы лизингіне беру мақсатында лизинг берушi әкелген, импорты қосылған құн салығынан босатылатын негiзгi құралдар тiзбесiн бекіту туралы" Қазақстан Республикасы Үкіметінiң 2004 жылғы 28 сәуірдегі № 475 қаулысына (Қазақстан Республикасының ПҮАЖ-ы, 2004 ж., № 19, 245-құжат) мынадай толықтырулар енгізiлсiн:
көрсетiлген қаулымен бекітілген Қаржы лизингі шарттары бойынша қаржы лизингiне беру мақсатында лизинг берушi әкелген, импорты қосылған құн салығынан босатылатын негiзгі құралдар тiзбесi мынадай мазмұндағы реттiк нөмiрi 38-1, 38-2 және 38-3-жолдармен толықтырылсын:
"38-1 Карточкаларды оқитын құрылғылары (карт-
ридерлерi) бар төлем карточкаларын
пайдалана отырып, төлемдердi жүзеге
асыру үшiн пайдаланылатын
микрокомпьютерлер* 8471 30 000 0-ден
38-2 Импринтер - сату/сервис нүктелерiнде
төлем карточкаларын қабылдауға
арналған механикалық құрылғы; төлем
карточкаларын дербестендiруге арналған
құрылғылар; эмбоссер - төлем
карточкасына ақпаратты таңбалап басу
түрiнде енгізуге арналған құрылғылар* 8472 20 000 0-ден
38-3 Электронды депозитарлық машиналар -
төлем карточкаларын пайдалана отырып,
ұстаушылардың шотына депозиттер
қабылдайтын құрылғылар;
кэш-диспенсерлер; банкоматтар* 8472 90 800 0-ден".
2. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі | | | | | | | | Д.К. Ахметов |
