Қазақстан Республикасы төтенше жағдайлар жөніндегі агенттігінің
мемлекеттік өртке қарсы қызметін ұйымдастырудың тәртібі туралы
Қазақстан Республикасы Министрлер Кабинетінің
22 сәуiрдегі 1994 ж. N 430 қаулысы
Осы редакция ҚР Үкіметінің 2004 ж. 27 ақпандағы N 239 қаулысымен енгізілген өзгерістеріне дейін қолданылды
"Қазақстан Республикасының iшкi iстер органдары туралы" Қазақстан Республикасының Заңын орындау үшiн, сондай-ақ өрт қауiпсiздiгiн жоғары деңгейде сақтау мақсатында Қазақстан Республикасының Министрлер Кабинетi қаулы етедi:
ҚР Үкіментінің 01.11.96 ж. N 1345; 22.07.97 ж. N 1143 қаулыларымен 1-тармақ өзгертiлдi
1. Республиканың елдi мекендерi мен объектiлерiнде мемлекеттiк өрт қадағалау мен өрт сөндiру Мемлекеттiк өрттен қорғау қызметiнiң департаментi мен олардың бөлiмшелерiне жүктелетiн болып белгiленсiн.
ҚР Үкiметiнiң 01.11.96 ж. N 1345; 22.07.97 ж. N 1143; 27.04.99 ж. N 481 қаулыларымен 2-тармақ өзгертілді
2. Қазақстан Республикасында Мемлекеттiк өрт қадағалау туралы Ереже:
Қазақстан Республикасының Төтенше жағдайлар жөнiндегi Агенттiктiң қарамағына берiлмейтiн Қазақстан Республикасының министрлiктерi мен ведомстволарының Мемлекеттiк өрттен қорғау қызметтерiнiң тiзiмi N 1 қосымшаға сәйкес;
Мемлекеттiк өртке қарсы кәсiбилендiрiлген қызметтi Мемлекеттiк әскерилендiрiлген өртке қарсы қызмет етiп кезең-кезеңмен қайта ұйымдастыру кестесi 2 қосымшаға сәйкес.
ҚР Үкiметiнiң 01.11.96 ж. N 1345; 22.07.97 ж. N 1143; қаулыларымен 3-тармақ өзгертілді
3. Мемлекеттiк өрттен қорғау департаментi бастығы лауазымы бойынша әрi өрт қадағалау жөнiндегi Қазақстан Республикасының бас мемлекеттiк инспекторы, ал оның орынбасарлары - өрт қадағалау жөнiндегi Қазақстан Республикасы бас мемлекеттiк инспекторының орынбасарлары болып табылады.
