«Қазақстан Республикасы Президентінің кейбір актілеріне өзгерістер енгізу туралы» Қазақстан Республикасы Президентінің 2008 жылғы 12 қарашадағы № 689 Жарлығы (2025.21.06. берілген өзгерістермен)

Қазақстан Республикасы Президентінің
Жарлығы
 
Қазақстан Республикасы Президентінің кейбір актілеріне өзгерістер енгізу туралы

(2025.21.06. берілген өзгерістермен)

ҚАУЛЫ ЕТЕМІН:

1. Қазақстан Республикасы Президентінің мынадай актілеріне  өзгерістер енгізілсін:

1) «Қазақстан Республикасы Президентінің жанынан Мемлекеттік наградалар жөнінде комиссия құру, оның құрамын және Қазақстан Республикасы Президентінің жанындағы Мемлекеттік наградалар жөніндегі комиссия туралы ережені бекіту туралы» Қазақстан Республикасы Президентінің 1996 жылғы 2 сәуірдегі № 2935 Жарлығына (Қазақстан Республикасының ПҮАЖ-ы, 1996 ж., № 14, 108-құжат; № 44, 422-құжат; 1997 ж., № 2, 19-құжат; 2003 ж., № 41, 426-құжат; 2007 ж., № 24 ж., 268-құжат):

Жарлықтың атауындағы «оның құрамын және Қазақстан Республикасы Президентінің жанындағы Мемлекеттік наградалар жөніндегі комиссия туралы ережені» деген сөздер «ол туралы Ережені» деген сөздермен ауыстырылсын;

жоғарыда аталған Жарлықпен бекітілген Қазақстан Республикасы Президентінің жанындағы Мемлекеттік наградалар жөніндегі комиссия туралы ережеде:

8-тармақ мынадай редакцияда жазылсын:

«8. Комиссияның қызметін қамтамасыз етуді Президент Кеңсесі жүзеге асырады.»;

2) «Қазақстан Республикасының Заңдарын Қазақстан Республикасы Президентінің қол қоюына және қарауына ұсыну, оларды тіркеу, жария ету және сақтау тәртібі туралы ережені бекіту» Қазақстан Республикасы Президентінің 1996 жылғы 2 шілдедегі № 3051 Жарлығына (Қазақстан Республикасының ПҮАЖ-ы, 1996 ж., № 30, 267-құжат):

жоғарыда аталған Жарлықпен бекітілген Қазақстан Республикасының заңдарын Қазақстан Республикасы Президентінің қол қоюына және қарауына ұсыну, оларды тіркеу, жария ету және сақтау тәртібі туралы ережеде:

2-тармақтағы «Құжаттамалық қамтамасыз ету бөлімі» деген сөздер «Жалпы бөлім» деген сөздермен ауыстырылсын;

5-тармақтың бірінші абзацындағы «Құжаттамалық қамтамасыз ету бөліміне» деген сөздер «Жалпы бөліміне» деген сөздермен ауыстырылсын;

6-тармақтағы «Құжаттамалық қамтамасыз ету бөлімінде» деген сөздер «Жалпы бөлімінде» деген сөздермен ауыстырылсын;