(БҰРЫНҒЫ РЕДАКЦИЯ) ҚР БАС ПРОКУРОРЫНЫҢ 2010.17.03 № 17 БҰЙРЫҒЫ

Қазақстан Республикасы Бас Прокурорының кейбір нормативтік құқықтық актілеріне өзгерістер мен толықтырулар енгізу туралы
Қазақстан Республикасы Бас Прокурорының 2010 жылғы 17 наурыздағы № 17 Бұйрығы

Осы редакция 2012 жылғы 24 қыркүйекте енгізілген өзгерістеріне дейін қолданылды

Әкімшілік құқық бұзушылықтар туралы бірыңғай статистикалық есепті одан әрі жетілдіру мақсатында «Прокуратура туралы» Қазақстан Республикасының 1995 жылғы 21 желтоқсандағы № 2709 Заңының 11-бабы 4-1) тармақшасын басшылыққа ала отырып БҰЙЫРАМЫН:

1. Қазақстан Республикасы Бас Прокурорының кейбір нормативтік құқықтық актілеріне келесі өзгерістер мен толықтырулар енгізілсін:

1) Қазақстан Республикасы Бас Прокурорының «Әкімшілік құқық бұзушылықтар және оларды жасаған тұлғалар туралы орталықтандырылған деректер банкін құру және оның жүргізілуі жөніндегі Нұсқаулықты бекіту туралы» 2009 жылғы 29 қыркүйектегі № 53 бұйрығына (Нормативтік құқықтық актілерді мемлекеттік тіркеу тізілімінде № 5854 тіркелген):

аталған бұйрықпен бекітілген әкімшілік құқық бұзушылықтар және оларды жасаған тұлғалар туралы орталықтандырылған деректер банкін жүргізу жөніндегі Нұсқаулықта (бұдан әрі - Нұсқаулық):

1-тармақта «мемлекеттік органдарға бірыңғай» сөздерінен кейін тұрған «әкімшілік құқық бұзушылық туралы іс бойынша қаулысы заңды күшке енген» сөздері алып тасталсын;

4-тармақта:

екінші бөлімдегі «Әскери басқармада» сөздер «Комитеттің әскери басқармасында» деген сөздермен ауыстырылсын;

үшінші бөліммен толықтырылсын:

«ҚР ҰҚК Шекара қызметінің қызметкерлері анықтаған Қазақстан Республикасының азаматтары, шетелдіктер, азаматтығы жоқ тұлғалар жасаған әкімшілік құқық бұзушылықтар Комитет басқармаларында әкімшілік құқық бұзушылық жасалған орны бойынша есепке алынады.»;

7-тармақта:

екінші бөлімдегі екінші сөйлем келесі мазмұнда жазылсын:

«Ішкі істер органдары үшін 22-29 деректемелер толтырылуы қажет»;