«Өлшем құралдарының типін бекіту туралы сертификат беру» мемлекеттік көрсетілетін қызмет регламенті (Қазақстан Республикасы Премьер-Министрінің орынбасары-Қазақстан Республикасы Индустрия және жаңа технологиялар министрінің 2014 жылғы 5 мамырдағы № 153 бұйрығына 2-қосымша) (күші жойылды)

ҚР Инвестициялар және даму министрінің м.а. 2015 жылғы 24 тамыздағы № 880 бұйрығымен күші жойылды

Қазақстан Республикасы

Премьер-Министрінің орынбасары-

Қазақстан Республикасы Индустрия

және жаңа технологиялар министрінің

2014 жылғы 5 мамырдағы

№ 153 бұйрығына

2-қосымша

«Өлшем құралдарының типін бекіту туралы сертификат беру»

мемлекеттік көрсетілетін қызмет регламенті


1. Жалпы ереже

1. «Өлшем құралдарының типін бекіту туралы сертификат беру» мемлекеттік қызметті (бұдан әрі - мемлекеттік көрсетілетін қызмет) Қазақстан Республикасы Индустрия және жаңа технологиялар министрлігі Техникалық реттеу және метрология комитеті (бұдан әрі - көрсетілетін қызметті беруші) көрсетеді.

2. Мемлекеттік қызмет көрсету нысаны - қағаз түрінде.

3. Мемлекеттік қызмет көрсетудің нәтижесі өлшем құралдарының типін бекіту туралы сертификатын беру болып табылады.

2. Мемлекеттік қызмет көрсету процесінде көрсетілетін қызметті
берушінің құрылымдық бөлімшелерінің (қызметкерлерінің)
іс-қимылдар тәртібін сипаттау

4. Рәсімді (іс-әрекетті) бастауға Қазақстан Республикасы Үкіметінің 2014 жылғы 4 наурыздағы № 175 қаулысымен бекітілген «Өлшем құралдарының типін бекіту туралы сертификат беру» мемлекеттік қызмет стандартының 9-тармағына сәйкес құжаттар тізбесі қоса берілген, көрсетілетін қызметті алушының өлшем құралдарының типін бекіту туралы сертификат алу жөніндегі өтінішін (бұдан-әрі Өтініш) тапсыруы негіз болып табылады.

5. Мемлекеттік қызметті көрсету процесінің құрамына кіретін әр рәсімнің (іс-қимылдың) мазмұны, оны орындау ұзақтығы:

1-рәсім - көрсетілетін қызметті берушінің кеңсесінің маманы өтініш келіп түскен кезден бастап он бес минут ішінде оны тіркейді және бірінші басшыға не орынбасарына береді.

2-рәсім - көрсетілетін қызметті берушінің басшысы не оның орынбасары үш сағат ішінде көрсетілетін қызметті берушінің құрылымдық бөлімшесіне жібереді.