«Бағалау қызметі мәселелері бойынша мемлекеттік көрсетілетін қызметтердің стандарттарын бекіту туралы» Қазақстан Республикасы Әділет министрінің 2015 жылғы 28 сәуірдегі № 245 бұйрығына өзгерістер енгізу туралы» Қазақстан Республикасы Әділет министрінің 2016 жылғы 18 қарашадағы № 1057 бұйрығы (күші жойылды)

«Бағалау қызметі мәселелері бойынша мемлекеттік көрсетілетін қызметтердің стандарттарын бекіту туралы» Қазақстан Республикасы Әділет министрінің 2015 жылғы 28 сәуірдегі № 245 бұйрығына өзгерістер енгізу туралы
Қазақстан Республикасы Әділет министрінің 2016 жылғы 18 қарашадағы № 1057 бұйрығы

ҚР Қаржы министрінің 2018 жылғы 25 маусымдағы № 623 бұйрығымен 2018 жылғы 13 шілдеден бастап күші жойылды

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

1. «Бағалау қызметі мәселелері бойынша мемлекеттік көрсетілетін қызметтердің стандарттарын бекіту туралы» Қазақстан Республикасы Әділет министрінің 2015 жылғы 28 сәуірдегі № 245 бұйрығына (Нормативтік құқықтық актілерді мемлекеттік тіркеу тізілімінде № 11241 болып тіркелген, 2015 жылғы 18 маусымда «Әділет» ақпараттық-құқықтық жүйесінде жарияланған) мынадай өзгерістер енгізілсін:

1) осы бұйрықпен бекітілген «Мүлiктi (зияткерлiк меншiк объектiлерiн, материалдық емес активтердiң құнын қоспағанда) бағалау жөнiндегi қызметтi жүзеге асыруға бiлiктiлiк емтиханын өткiзу және лицензия беру» мемлекеттiк көрсетiлетiн қызмет стандартында:

4-тармақ мынадай редакцияда жазылсын:

«4. Мемлекеттік қызметті көрсету мерзімі:

1) көрсетiлетiн қызметтi берушiге құжаттар топтамасын тапсырған кезден бастап, сондай-ақ порталға жүгiнген кезде:

бiлiктiлiк емтиханынан өткенi туралы материалдарды қарау кезiнде - 10 (он) жұмыс күнi ішінде;

біліктілік емтиханынан өткені туралы шешім шығару кезінде - емтихан тапсырған күнінен бастап 3 (үш) жұмыс күні ішінде;

лицензияны беру кезiнде - 15 (он бес) жұмыс күнi;

лицензияны қайта ресiмдеу кезiнде - 3 (үш) жұмыс күнi;

лицензияның телнұсқасын беру кезінде - 2 (екі) жұмыс күні.

Көрсетілетін қызметтi беруші көрсетілетін қызметтi алушының құжаттарын алған кезден бастап екі жұмыс күні ішінде ұсынылған құжаттардың толықтығын тексереді.