«Мемлекеттік тіркеу нөмірі белгілерінің нысандары мен үлгілерін бекіту туралы» Қазақстан Республикасы Ішкі істер министрінің 2015 жылғы 19 желтоқсандағы № 1040 бұйрығына өзгерістер енгізу туралы» Қазақстан Республикасы Ішкі істер министрінің м.а. 2026 жылғы 9 шілдедегі № 484 бұйрығы

 «Мемлекеттік тіркеу нөмірі белгілерінің нысандары мен үлгілерін бекіту туралы» Қазақстан Республикасы Ішкі істер министрінің 2015 жылғы 19 желтоқсандағы № 1040 бұйрығына өзгерістер енгізу туралы
Қазақстан Республикасы Ішкі істер министрінің м.а. 2026 жылғы 9 шілдедегі № 484 бұйрығы

БҰЙЫРАМЫН:

1. «Мемлекеттік тіркеу нөмірі белгілерінің нысандары мен үлгілерін бекіту туралы» Қазақстан Республикасы Ішкі істер министрінің 2015 жылғы 19 желтоқсандағы № 1040 бұйрығына (Нормативтік құқықтық актілердің мемлекеттік тіркеу тізілімінде № 12892 болып тіркелген) мынадай өзгерістер енгізілсін:

кіріспе мынадай редакцияда жазылсын:

Қазақстан Республикасы Үкіметінің 2005 жылғы 22 маусымдағы № 607 қаулысымен бекітілген Қазақстан Республикасы Ішкі істер министрлігі туралы ереженің 15-тармағының 55) тармақшасына сәйкес, БҰЙЫРАМЫН:

көрсетілген бұйрықпен бекітілген мемлекеттік тіркеу нөмірлік белгілерінің нысандары мен үлгілерінде (бұдан әрі - нысандар мен үлгілер):

29-тармақ мынадай редакцияда жазылсын:

«29. 1Д-үлгі (27-сурет) - шетел азаматтары мен азаматтығы жоқ адамдарға арналған «F» сериялы алдыңғы және артқы мемлекеттік тіркеу нөмірлік белгісі.»;

31- тармақ мынадай редакцияда жазылсын:

«31. 3Д-үлгі (29-сурет) - Қазақстан Республикасының аумағында тіркелген шетел азаматтарына қатысатын заңды тұлғалардың, шетел азаматтары мен азаматтығы жоқ адамдардың мотокөлік құралдарына арналған «Н», «F», «G», «I», «J» және «K» сериялы мемлекеттік тіркеу нөмірлік белгісі.»;

36 және 37-тармақтар мынадай редакцияда жазылсын:

«36. 5Д-үлгі (34-сурет) - Қазақстан Республикасында тіркелген, шетелдік қатысуы бар заңды тұлғалардың, шетел азаматтары мен азаматтығы жоқ адамдардың көлік құралдарына тіркемелер мен жартылай тіркемелерге арналған «Н», «F», «G», «I», «J» және «K» сериялы мемлекеттік тіркеу нөмірлік белгілері.