«Қазақстан Республикасы Ішкі істер министрінің кейбір бұйрықтарына өзгерістер мен толықтырулар енгізу туралы» Қазақстан Республикасы Ішкі істер министрінің 2019 жылғы 16 қаңтардағы № 28 бұйрығы (күші жойылды)

Қазақстан Республикасы Ішкі істер министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Ішкі істер министрінің 2019 жылғы 16 қаңтардағы № 28 бұйрығы

ҚР Ішкі істер министрінің 2022 жылғы 22 қазандағы № 830 бұйрығымен күші жойылды

БҰЙЫРАМЫН:

1. Қазақстан Республикасы Ішкі істер министрінің кейбір бұйрықтарына мынадай өзгерістер мен толықтырулар енгізілсін:

1) «Ішкі істер органдарында кадрлық жоспарлауды ескере отырып, кадрларға қажеттілікті қанағаттандыру үшін мамандықтар тізбесін бекіту туралы» Қазақстан Республикасы Ішкі істер министрінің 2015 жылғы 19 қарашадағы № 941 бұйрығына (Нормативтік құқықтық актілерді мемлекеттік тіркеу тізілімінде № 12442 болып тіркелген, «Әділет» ақпараттық-құқықтық жүйесінде 2015 жылғы 30 желтоқсанда жарияланған):

2-тармақ мынадай редакцияда жазылсын:

«2. Қазақстан Республикасы Ішкі істер министрлігі комитеттерінің төрағалары, департаменттері мен дербес басқармаларының бастықтары, облыстардың, республикалық маңызы бар қалалар мен астананың полиция, көліктегі полиция, қылмыстық-атқару жүйесі, төтенше жағдайлар департаменттерінің, Қазақстан Республикасы Ішкі істер министрлігі ведомстволық бағынысты мекемелері мен оқу орындарының бастықтары лауазымға тағайындау кезінде осы бұйрықтың талаптарын қатаң басшылыққа алсын.»;

көрсетілген бұйрықпен бекітілген Ішкі істер органдарында кадрлық жоспарлауды ескере отырып, кадрларға қажеттілікті қанағаттандыру үшін мамандықтар тізбесі:

«Облыстардың, Астана және Алматы қалаларының төтенше жағдайлар департаменттерінің басшы құрамы» деген бөлімнің атауы мынадай редакцияда жазылсын:

«Облыстардың, республикалық маңызы бар қалалар мен астананың төтенше жағдайлар департаменттерінің басшы құрамы»;

мынадай мазмұндағы «Қалалық, аудандық (қалалардағы аудандардың) төтенше жағдайлар басқармалары, бөлімдері бойынша» деген бөліммен толықтырылсын:

«