«Машина жасау» салааралық ғылыми-технологиялық орталығын және Машина жасауды болжау жөніндегі ғылыми-зерттеу орталығын құру туралы Қазақстан Республикасы Үкіметінің 1998 жылғы 9 қаңтардағы № 2 қаулысы (2009.19.09. берілген өзгерістер мен толықтырулармен) (күші жойылды)

«Машина жасау» салааралық ғылыми-технологиялық орталығын және Машина жасауды болжау жөніндегі ғылыми-зерттеу орталығын құру туралы
Қазақстан Республикасы Үкіметінiң 1998 жылғы 9 қаңтардағы № 2 қаулысы

(2009.19.09. берілген өзгерістер мен толықтырулармен)

ҚР Үкіметінің 2012 жылғы 15 қазандағы № 1313 Қаулысымен күші жойылды

Машина жасау кешенiн дамытудың мемлекеттік бағдарламасын әзiрлеу және оны iске асыруды ғылыми-техникалық жағынан қамтамасыз ету мақсатында Қазақстан Республикасының Үкіметі қаулы етедi:

ҚР Үкіметінiң 1998.20.05. № 457 қаулысымен 1-тармақ жаңа редакцияда

1. Қазақстан Республикасы Ғылым министрлігі - Ғылым академиясының, Қорғаныс министрлігінiң және Энергетика, индустрия және сауда министрлігінiң Қазақстан Республикасы Ғылым министрлігі - Ғылым академиясына ведомстволық бағыныстағы «Машина жасау» салааралық ғылыми-технологиялық орталығын «(СFTO)» құру туралы ұсынысы қабылдансын. «Машина жасау» салааралық ғылыми-технологиялық орталығының (CFTO) мекен-жайы Алматы қаласы болып белгiленсiн.

2. Қарағанды ұлттық техникалық университетiнiң жанындағы машина жасау кешенiн болжау жөніндегі арнайы ғылыми бөлiмшенiң негiзiнде Қазақстан Республикасының Ғылым министрлігі - Ғылым академиясына ведомстволық бағынысты «Машина жасауды болжау жөніндегі ғылыми-зерттеу орталығы» мемлекеттік мекемесi құрылсын.

3. ҚР Үкіметінің 2009.19.09. № 1411 қаулысымен күші жойылды (бұр.ред.қара)

ҚР Үкіметінiң 1998.20.05. № 457 қаулысымен 4-тармақ өзгертiлдi

4. Қазақстан Республикасының Ғылым министрлігі - Ғылым академиясы, Қаржы министрлігі, Энергетика, индустрия және сауда министрлігі, Қорғаныс министрлігінiң Қорғаныс өнеркәсiбi жөніндегі комитетi:

бiр ай мерзiм iшiнде «Машина жасау» салааралық ғылыми-зерттеу орталығының құрамына кейбір бейiндiк ғылыми-зертеу және тәжiрибе конструкторлық ұйымдарды енгізу жөнiнде ұсыныстарды Қазақстан Республикасының Үкіметіне енгiзетiн болсын;

Қазақстан Республикасының Стратегиялық жоспарлау және реформалар жөніндегі агенттiгiмен бiрлесе отырып 1998 жылдың наурызында Қазақстан Республикасының машина жасау кешенiн дамытудың 1998-2000 жылдарға арналған мемлекеттік бағдарламасының жобасын Қазақстан Республикасы Үкіметінiң қарауына енгiзсiн.

5. Қазақстан Республикасының Ғылым министрлігі - Ғылым академиясы бiр ай мерзiмде:

құрылған мемлекеттік мекемелер туралы ережелердi бекiтсiн және белгiленген тәртiппен олардың әдiлет органдарында тiркелуiн қамтамасыз етсiн;

«Машина жасаудың және тиiмдiлiгi жоғары машиналар мен аспаптар жасаудың ғылыми-техникалық проблемалары» нысаналы бағдарламасының кең ауқымды нұсқасын оның негiзгi тапсырмаларымен және көрсеткiштерiмен бекiтсiн.

6. Қазақстан Республикасының Ғылым министрлігі - Ғылым академиясы мен Әдiлет министрлігі бiр ай мерзiмде Қазақстан Республикасының Үкіметіне Қазақстан Республикасы Үкіметінiң бұрын қабылданған актілерін осы қаулыға сәйкес келтiру туралы ұсыныс енгiзсiн.

Қазақстан Республикасының

Премьер-Министрi