«Қазақстан Республикасы Премьер-Министрінің бірінші орынбасары - Қазақстан Республикасы Өңірлік даму министрінің кейбір бұйрықтарына өзгерістер мен толықтырулар енгізу туралы» Қазақстан Республикасы Өңірлік даму министрінің 2013 жылғы 16 қазандағы № 271 Бұйрығы

Қазақстан Республикасы Премьер-Министрінің бірінші орынбасары - Қазақстан Республикасы Өңірлік даму министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Өңірлік даму министрінің 2013 жылғы 16 қазандағы № 271 Бұйрығы

«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 4 бабына сәйкес, БҰЙЫРАМЫН:

1. Қазақстан Республикасы Премьер-Министрінің бірінші орынбасары - Қазақстан Республикасы Өңірлік даму министрінің кейбір бұйрықтарына мынадай өзгерістер мен толықтырулар енгізілсін:

1) «Қазақстан Республикасы Өңірлік даму министрлігінің регламентін бекіту туралы» Қазақстан Республикасы Премьер-Министрінің бірінші орынбасары - Қазақстан Республикасы Өңірлік даму министрінің 2013 жылғы 8 тамыздағы № 187 НҚ бұйрығына:

көрсетілген бұйрықпен бекітілген Қазақстан Республикасы Өңірлік даму министрлігінің регламентінде:

46, 47, 48, 49 және 50-тармақтар мынадай редакцияда жазылсын:

«46. Нормативтік құқықтық актілер келісу мемлекеттік органдардың куәландыратын орталығының электрондық цифрлық қолтаңбасын (бұдан әрі - ЭЦҚ) қолдана отырып, мемлекеттік органдардың интранет-порталы (бұдан әрі - МО ИП) арқылы электрондық құжаттар нысанында жүргізіледі. Министрлікке келісуге келіп түскен нормативтік құқықтық актілердің жобаларын (бұдан әрі - жобалар) Құжаттамалық қамтамасыз ету басқармасы Жауапты хатшыға қарауға жолдайды, ол жобаның өтуіне жауапты құрылымдық бөлімшені (бұдан әрі - орындаушы) оған жобаның түпнұсқасы жолданады, міндетті келісуші және құзыреттілігі шегінде мүдделі Министрліктің құрылымдық бөлімшелерін белгілейді (бұдан әрі - қоса орындаушы), оларға жобалардың көшірмесі жолданады, оның ішінде онымен барлық жобалар міндетті түрде келісілетін заң қызметіне жолданады.