«Қазақстан Республикасы Энергетика министрінің кейбір бұйрықтарына өзгерістер мен толықтырулар енгізу туралы» Қазақстан Республикасы Энергетика министрінің 2026 жылғы 7 қыркүйектегі № 333-н/қ бұйрығы

Қазақстан Республикасы Энергетика министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Энергетика министрінің 2026 жылғы 7 қыркүйектегі № 333-н/қ бұйрығы

БҰЙЫРАМЫН:

1. Қазақстан Республикасы Энергетика министрінің қоса беріліп отырған өзгерістер мен толықтырулар енгізілетін кейбір бұйрықтарының тізбесі бекітілсін.

2. Қазақстан Республикасы Энергетика министрлігінің Электр энергетикасын дамыту департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жариялағаннан кейін оны Қазақстан Республикасы Энергетика министрлігінің интернет-ресурсында орналастыруды.

3. Осы бұйрықтың орындалуын бақылау жетекшілік ететін Қазақстан Республикасының Энергетика вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы

Энергетика министрі

2026 жылғы 7 қыркүйектегі

№ 333-н/қ бұйрығымен бекітілген

Қазақстан Республикасы Энергетика министрлігінің кейбір бұйрықтарының тізбесі

1. «Электр энергиясына шекті тарифті және электр қуатының әзірлігін ұстап тұру бойынша көрсетілетін қызметке шекті тарифті бекіту қағидаларын бекіту туралы» Қазақстан Республикасы Энергетика министрінің 2015 жылғы 27 ақпандағы № 147 бұйрығына (Нормативтік құқықтық актілерді мемлекеттік тіркеу тізілімінде № 10627 болып тіркелген) мынадай өзгерістер мен толықтырулар енгізілсін:

Электр энергиясына шекті тарифті және электр қуатының әзірлігін ұстап тұру бойынша көрсетілетін қызметке шекті тарифті бекіту қағидаларында:

5-тармақтың 1) тармақшасы жаңа редакцияда жазылсын:

«1) энергия өндіруші ұйымдар «энергия өндіруші ұйымдардың типі» өлшемшарты бойынша мыналарға бөлінеді:

құрамына конденсаттық электр станциялары кіретін энергия өндіруші ұйымдар;

құрамына жылуландыру электр станциялары кіретін энергия өндіруші ұйымдар;

құрамына газ-турбиналық электр станциялары кіретін энергия өндіруші ұйымдар;