2. Геологиялық-минерагендiк картаға түсiрудi жүргiзу нәтижесiнде кенденудiң түрлi типтерiнiң минерагендiк карталары, iздеу жұмыстарының одан арғы бағыты бойынша болжам мен ұсынымдар карталары жасалатын болады.";
4-тармақ мынадай редакцияда жазылсын:
"4. 2005 жылы Шығыс Қазақстанда түстi және бағалы металдардың минералды-шикiзаттық базасын нығайту мақсатында полиметал кенiнiң бiр кен орнын табу көзделiп отыр. Орталық Қазақстанда алтын мен мыстың 2 кен орны айқындалатын болады. Батыс Қазақстанда Лиманное мыс-мырыш кен орнының кен алаңында iздеу-бағалау жұмыстары аяқталатын болады. Аяқталған жұмыстар бойынша 5 тонна алтын, 5 мың тонна мыс, 30 мың тонна қорғасын, 70 мың тонна мырыш, 70 тонна күмiс қорларының өсiмi алынады деп күтілуде.
2006 жылы Селекционный кен аймағы (Шығыс Қазақстан) мен Құндызды (Батыс Қазақстан) кен орнының кен алаңы шегiнде мыс, мырыш, қорғасын қорларының өсiмiн алу мақсатында iздеу-бағалау жұмыстары аяқталады. Мыс қорларының күтiлетiн өсiмi 30 мың тоннаны құрайды, қорғасын - 50 мың тонна, мырыш - 100 мың тонна.
2007 жылы Батыс Қазақстанда (Оңтүстiк Балқымбай телiмi), Жiтiқара алтынды кен ауданында (Глебов телiмi), Оңтүстiк Қазақстанда (Қаратас және Қызылағаш телiмдерi) iздеу-бағалау жұмыстарының аяқталуы және алтын қорының өсiмi алынады деп күтiлуде. Лениногор кен ауданында Чашин телiмiнде алтын мен полиметалдар қорының өсiмi алынады деп күтiлуде. Орталық Қазақстанда Қамқор мыс кен орны барланатын болады. Мыс қорының күтiлетiн өсiмi 100 мың тоннаны құрайды, қорғасын - 20 мың тонна, мырыш - 45 мың тонна, алтын - 45-50 мың тонна.
2008-2010 жылдары Ай мыс-порфирлiк кен орнында, Жангелдi кен алаңында, Сәмембет кен білінуiнде мыс қорының өсiмiн алу мақсатында iздеу-бағалау жұмыстары жүргiзiлетiн болады. Тұз алтын-кен кен орнының қанаттарында, Соқырқой Оңтүстiк-Шығыс Бұйрақой кен білінулерiнде, Шуақ кен алаңында алтын қорының өсiмi алынады деп күтiлуде. Володар кен аймағында iздеу-бағалау жұмыстары жүргiзiледi және тантал қорының өсiмi алынады деп күтiлуде. Мыс қорының өсiмi 500 мың тоннаны құрайды, алтын - 25 тонна және тантал - 500 тонна деп күтiлуде.";
9-тармақ мынадай редакцияда жазылсын:
"9. Режимдiк қадағалау жүргiзу нәтижелерi бойынша жер қойнауының жай-күйiне, соның iшiнде ауыз суға арналған кен орындарындағы жер асты суларына баға берiлетiн, кадастр жасалатын және жер асты суларына, жер асты суларының ластануы, құнарсыздануы мен өзге де әсер ету көздерiне есеп жүргiзiлетiн; жер асты сулары мен қауiптi геологиялық процестердiң мемлекеттік мониторингi ақпараттық компьютерлiк жүйесiнiң дерекқоры жасалатын; жер қойнауының, соның iшiнде бас тоғандар мен кен орындарында жер асты суларының жай-күйiне, ластануы мен құнарсыздануына, олардың ластану көздерiне мемлекеттік бақылау жүргiзу күшейтiлетiн; жер асты суларының жай-күйiне баға берiлетiн болады.";
мынадай мазмұндағы 9-1-тармақпен толықтырылсын:
"9-1. Өңiрлiк гидрогеологиялық және инженерлiк-геологиялық зерттеулер нәтижесiнде жер асты суларының таралуы мен қалыптасуының аймақтық заңдылығы анықталатын, iздеу-бағалау жұмыстарын жүргiзуге арналған перспективалы телiмдер контурланатын, жер асты суларының ластану алаңдары мен телiмдерi және басқа да қауiптi геологиялық процестердiң көрiнiсi айқындалатын, Қазақстанның өндiрiстiк күштерiн орналастыра отырып, ел халқының мекендеу схемасын және аудандық жоспарды негiздеу бойынша нақты графикалық және картографиялық материалдар жасалатын болады.";
"Елдiң минералдық-шикiзаттық кешенi ресурстық базасын дамытудың 2003-2010 жылдарға арналған бағдарламасын iске асыру жөніндегі iс-шаралар жоспары" деген 8-бөлім осы қаулыға 2-қосымшаға сәйкес жаңа редакцияда жазылсын;
"Бағдарламаға қосымшалар" деген 9-бөлім осы қаулыға 3-қосымшаға сәйкес жаңа редакцияда жазылсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының