«Қоғам қауіпсіздігін қамтамасыз етудегі, қылмыстың жолын кесу
мен оны ашудағы, сонымен қатар іздестіру жұмыстарының белсендiлiгiн
арттырудағы жол полициясының iс-әрекетiн жетiлдiру туралы»
Қазақстан Республикасының Ішкі Істер Министрлігі
1999 жылғы 10 қарашадағы № 568 Бұйрығы
Осы редакция 2005 ж. 7 шілдедегі енгізілген өзгерістеріне дейін қолданылды
Елiмiздiң автомобиль жолдарында жол полициясының қоғам қауiпсiздiгiн қамтамасыз етудегi iс-әрекеттерiнiң тиiмдiлiгiн арттыру және жетiлдiру мақсатында БҰЙЫРАМЫН:
1. Бекiтiлсiн:
1) "Республикалық маңызы бар автомобиль жолдарында жол полициясының жасақтарын орналастыру" (№ 1 Қосымша).
2) "Республикалық маңызы бар автомобиль жолдарындағы жол полициясы патрульдiк жасақтарының жұмысын ұйымдастыру Тәртібі" (№ 2 Қосымша ).
3) "ЖОЛ полициясы патрульдік жасақтарының патрульдік автомобилi мен жеке құрам жабдығының тиiстi тiзiмi" (№ 3 Қосымша ).
4) "Шеп" тосқауыл жүйесіндегі жол полициясының тұрғылықты бақылау бекеттерiнiң орналасуы" (№ 4 Қосымша).
5) "Шеп" арнайы тосқауыл жүйесіндегі жол полициясының бақылау бекеттерi туралы Ереже" (№ 5 Қосымша).
6) "Шеп" тосқауыл жүйесіндегі жол полициясының бақылау бекеттерiн жабдықтау үшiн қауырт-техникалық және жеке қорғау құралдарының тиiстi тiзiмi" (№ 6 Қосымша).
7) "Шеп" арнайы тосқауыл жүйесіндегі жол полициясы бақылау бекеттерiнiң қызметтiк құжаттарының тiзбесi (№ 7 Қосымша).
2. № 1 Қосымшаға келiстi республикалық маңызы бар жолдарда жол полициясының патрульдiк жасақтарын қою мiндеттi түрде қамтамасыз етiлсiн. Бұл жасақтарға республика бойынша бірыңғай нөмiрлiк шақырма орнатылсын, алдағы уақытта патрульдеу жол бағытының нөмiрi автопатруль шақырмасы болып табылады. Автопатрульдердiң шартты атауын Iшкi iстер министрлігі белгілейдi.
3. Жол полициясының патрульдiк жасақтарын потрульдеу жол бағытынан алып тастауға тиым салынады. Жол полициясы жеке құрамының санын арттыру қажет болған жағдайда, облыс(қала) әкіміне негiзделген ұсыныс енгiзiлсiн.