7. Бюджеттік бағдарламаны орындаудан күтілетін нәтижелер: Қазақстан Республикасының Ұлттық қауіпсіздігін нығайту, кедендік бақылау сапасын жақсарту.
Тікелей нәтиже: есірткі және жарылыс заттары контрабандасының жолын кесу, кеден органдарының кинологиялық қызметін дамыту.
Түпкі нәтиже: Қазақстан Республикасына есірткі құралдарының әкелуінің алдын алу, елде есірткі ахуалын тұрақтандыру; нашақорлық пен есірткі бизнесіне қарсы әрекет ету саласында халықаралық ынтымақтастықты дамыту, есірткі құралдарының контрабандасы фактілерін анықтау, нашақорлықтың алдын алу үшін мүдделі мемлекеттік органдармен өзара іс-әрекет жасауды күшейту.
Мыналарды сатып алу: талшық-оптикалық эндоскоптар 10 дана, дүрбілер 50 дана, түнде көру аспаптары 30 дана, аспаптар жиынтығы 50 дана, есірткі заттарының экспресс-тесті 60 дана, жарылғыш заттарының экспресс-тесті, автокөлікті еріксіз тоқтату құрылғысы 30 дана, жарық түсіргіші бар қол таяғы 30 дана, ультракүлгін қол шамы 30 дана, ықшам металл детектор 70 дана, қарау қуыс бұрғысы 70 дана, қарау қол шамы 70 дана, қарау айнасы 90 дана, УҚТ ықшам радиостанциясы 165 дана, цифрлы бейнекамералар 6 дана, цифрлы фотоаппараттар 6 дана, қызметтік-іздеу иттерін тасымалдауға арналған автомашиналар 6 дана.
Қаржы-экономикалық нәтиже: есірткі құралдарын айқындаудың 1 фактісіне арналған шығындардың орташа құны - 260,0 мың теңге.
Уақтылығы: іс-шаралар жоспарының мерзіміне сәйкес қойылған мәселелерді іске асыру.
Сапасы: есірткі құралдарының кіруіне жол бермеу.
Қазақстан Республикасы
Үкіметінің
2005 жылғы 12 желтоқсандағы
№ 1235 қаулысына
196-қосымша
217-Қазақстан Республикасы Қаржы министрлігі
Бюджеттік бағдарламаның әкімшісі
2006 жылға арналған
"Электрондық үкімет" құру"
деген 112 республикалық бюджеттік бағдарламаның
ПАСПОРТЫ
ҚР Үкіметінің 2006.31.07. № 470б Қаулысымен 1-тармақ жаңа редакцияда (бұр. ред. қара)
1. Құны: 1960349 мың теңге (бір миллиард тоғыз жүз алпыс миллион үш жүз қырық тоғыз мың теңге).
2. Бюджеттік бағдарламаның нормативтік құқықтық негізі: Қазақстан Республикасы Президентінің "Қазақстан Республикасында "электрондық үкімет" қалыптастырудың 2005-2007 жылдарға арналған мемлекеттік бағдарламасы туралы" 2004 жылғы 10 қарашадағы № 1471 Жарлығы; "Қазақстан Республикасы салық төлеушілерінің мемлекеттік тізілімін қалыптастыру және жүргізу ережесін бекіту туралы" Қазақстан Республикасы Үкіметінің 2002 жылғы 28 мамырдағы № 579 қаулысы; "Қазақстан Республикасы Үкіметінің 2003-2006 жылдарға арналған бағдарламасын іске асыру жөніндегі іс-шаралар жоспары туралы" Қазақстан Республикасы Үкіметінің 2003 жылғы 5 қыркүйектегі № 903 қаулысы; "Мемлекет басшысының Қазақстан халқына 2005 жылғы 18 ақпандағы Жолдауын іске асыру жөніндегі Жалпы ұлттық іс-шаралар жоспарын орындаудың желілік кестесі туралы" Қазақстан Республикасы Үкіметінің 2005 жылғы 5 наурыздағы № 210 қаулысы.
3. Бюджеттік бағдарламаны қаржыландыру көздері: республикалық бюджеттің қаражаты.
4. Бюджеттік бағдарламаның мақсаты: Азаматтар мен ұйымдардың кедендік қызметтерге жылдам және сапалы қатынауын қамтамасыз ету, қазіргі заманғы техникалық шешімдердің негізінде қолдағы барын жетілдіру, жаңа перспективалық ақпараттық кедендік технологияларды енгізу есебінен Қазақстан Республикасы кедендік қызметінің жұмыс істеу тиімділігін арттыру. Қазақстан Республикасы кедендік органдарының бақылау, есепке алу және статистикалық қызметін автоматтандыру.
Салық әкімшілігін жүргізуді қамтамасыз ету және жетілдіру, салықтарды барынша жинауды қамтамасыз ету, салық міндеттемелерін орындаудан жалтаруға байланысты шығындардың мөлшерін азайту, салық әкімшілігін жүргізу тетіктерінің тиімділігін, ақпараттық ашықтығын және айқындылығын арттыру. Салық әкімшілігін жүргізудің әділ жүйесін құру және салық төлеушілер үшін салықтар төлеу бойынша барынша ыңғайлы жағдайлар жасау. Салық органдарының Қазақстан Республикасының "электрондық үкімет" қалыптастыруға және қызметіне қатысу шеңберінде салық төлеушілерге, басқа мемлекеттік органдарға ақпараттық және технологиялық қызметтер ұсыну.
Мемлекет мұқтажы үшін тауарларды, жұмыстар мен қызметтерді сатып алу процесіне қазіргі заманғы ақпараттық-коммуникациялық технологиялар енгізу жолымен мемлекеттік сатып алу тиімділігін арттыруды қамтамасыз ету.
5. Бюджеттік бағдарламаның міндеттері: кедендік қызмет және кеден инфрақұрылымы жанында бірыңғай ақпараттық кеңістігін құру; сыртқы экономикалық қызметке қатысушылар үшін Web-сервис ұсыну; тауарларды электрондық декларациялау; халықаралық стандарттарға жақындау және кеден рәсімдерін жеңілдету; кеден органдарында кеден төлемдері мен салықтың бюджетке түсуін қамтамасыз ету; сыртқы сауда операциялары бойынша деректерді орталықтандырылған жинау.
Салық әкімшілігін жүргізу жүйелерінің функционалдылығын кеңейту және енгізу: салық төлеушілерге қызмет көрсету нысандары мен әдістерін жетілдіру, салық төлеушілерге ұсынылатын электрондық қызметтер аясын кеңейту; салық төлеушілерді, салық салынатын базаны және салық есептілігін есепке алу жүйелерін орталықтандыру; салық төлеушілер мен салық инспекторлары үшін қашықтықтан және ақпараттық сервис әдістерінің көмегімен салық әкімшілігін жүргізу процестерін жетілдіру және дамыту. Салық органдарының базалық ақпараттық-технологиялық инфрақұрылымын қайта жарақтандыру. Ақпараттық қызметтерді біріктіру, мемлекеттік органдармен ақпараттық өзара іс-әрекетті жетілдіру және арттыру.
Ақпараттық жүйенің шағын жүйелерін дамыту жолымен электрондық мемлекеттік сатып алудың ақпараттық жүйесінің функционалдылығын кеңейту.
ҚР Үкіметінің 2006.31.07. № 470б Қаулысымен 6-тармақ өзгертілді (бұр. ред. қара)
6. Бюджеттік бағдарламаны іске асыру жөніндегі іс-шаралар жоспары:
ҚР Үкіметінің 2006.31.07. № 470б Қаулысымен 7-тармақ өзгертілді (бұр. ред. қара)
7. Бюджеттік бағдарламаны орындаудан күтілетін нәтижелер: Тікелей нәтиже: адал және теріс пиғылды кедендік рәсімдер қатысушыларын анықтау; алдыңғы қатарлы ақпараттық технологияларды қолдану есебінен кедендік рәсімдерді жеңілдету және тездету; контрабандамен және әкімшілік кедендік құқық бұзушылықтармен күрес жүргізу тиімділігін арттыру; лицензиялар мен квоталарды пайдалану жөніндегі бақылау тиімділігін арттыру; кеден төлемдерін есептеу растығы мен жеделділігін арттыру және кеден төлемдерінің түсуін бақылау тиімділігін арттыру; кеден статистикасы мен сыртқы сауда статистикасын жүргізу; Қазақстан Республикасы Қаржы министрлігінің Кедендік бақылау комитетінің басшылығы мен үкіметтік органдарға берілетін ақпараттың жеделділігі мен растығын арттыру; берілетін ақпаратта құрылымдау, қалыптандыру және оңтайландыру есебінен қабылданатын шешімдердің жеделдігі мен сапасын арттыру; басқа мемлекеттердің қосылған ведомстволарымен және кеден органдарымен ақпараттық өзара іс-әрекет жасасу; кеден заңнамасы мәселелері жөніндегі ақпараттық қызметтерді жедел ұсыну.
(ХКЖЖ) Хабарларды кепілдендірілген жеткізу жүйесі көмегімен салық есептілігін қабылдау, салық есептілігін толтыру және өңдеуді оңтайландыру, салық әкімшілігін жүргізу процестерін автоматтандыру, салық есептілігін камеральдық бақылаудың жаңа нысандарын енгізу; ҚҚС және ҚҚС сомасын төлеушілердің тіркеу деректерінің толық базасын жүргізу; екінші деңгейдегі банктермен әрекетсіз заңды тұлғалардың банктік шоттарындағы ақшаның қалдығы мен қозғалысы туралы электрондық алмасуды жүргізу; уәкілетті органдардан салықтарды есептеуге қажет СТжСО мәліметтер алу; шикізат секторы ұйымдарынан бюджетке түсетін түсімдер бөлігінде Қазақстан Республикасының Ұлттық қорына аударымдар бойынша рәсімдерді жетілдіру.
Электрондық конкурстар мен Веб-порталдың кіші жүйелерін дамыту, Веб-порталдың жұмыс істеуі үшін лицензиялық бағдарламалық қамтамасыз етуді сатып алу бизнес құрылымдар үшін мемлекеттік сатып алу бойынша ұсынылатын мемлекеттік қызметтер аясын кеңейтуге мүмкіндік береді; іркіліссіз қоректену көздерін және желіаралық қорғаныс экрандарын сатып алу жүйенің электр желісінің істен шығуына бас тарту тұрақтылығы көрсеткіштерін арттыруға мүмкіндік береді, сондай-ақ жүйенің одан санкцияланбаған қатынау қорғануының деңгейін арттырады.
Түпкі нәтиже:
жеке инспекциялар үшін кеден шекарасында алынатын импорттық декларацияларының санын 30%-дан аспайтын деңгейге дейін қысқарту; алдын ала операцияларды ескере отырып шекарада кедендік тазалаудың орташа уақытын 10%-ға қысқарту; кедендік тазалаудан кейін кеден аумағына шығудан тауарларды шығаруға дейін уақытты өлшеу кезінде импорттық тазалауға жұмсалатын орташа ұзақтықты 50%-ға қысқарту; декларация беруден тауарларды шығаруға рұқсаттар бергенге дейін уақытты өлшеу кезінде кедендік тазалауға жұмсалатын орташа ұзақтықты 50%-ға қысқарту.
Салық органдарының салық есептілігін беру, өңдеу және сақтау процестерін автоматтандыру; сыбайлас жемқорлыққа арналған жағдайларды шектейтін салық төлеуші мен салық органдары арасында қашықтықтау; салықтар мен алымдар туралы түсетін ақпаратты талдамалық өңдеуге жағдайлар мен мүмкіндіктер жасау және салықтардың жиналуын арттыру жөнінде жедел шешімдер қабылдау.
Электрондық мемлекеттік сатып алу жүйесін пайдалануға енгізу және ақпараттық жүйенің жұмыс істеуін қамтамасыз ету мақсатында оны техникалық қамтамасыз ету, ол мемлекет мұқтажы үшін тауарлар, жұмыстар мен қызметтер сатып алуға арналған бюджет шығыстарын азайтуға, мемлекеттік сатып алу рәсімдерін жүргізуге жұмсалатын шығындарды қысқартуға, өнімдерді берушілер арасында бәсекелестіктің тең шарттарын құруға, жинақталған ақпаратқа жедел қатынауға қол жеткізуге мүмкіндік береді.