7. Бюджеттік бағдарламаны орындаудан күтілетін нәтижелер:
Тура нәтиже:
1) 3 мемлекеттік стандарт және қолданыстағы стандарттарға 2 өзгеріс әзірленді;
2) Қушоқы кен орны көмір өнімдерін каталогы мен жіктеуіші әзірленді;
3) электр энергетикасы саласындағы 20 нормативтік-техникалық құжат әзірленді және қайта қаралды немесе қажеттіден 12%;
4) метанол немесе диметил эфирін өндіру бойынша технологиялық кешенді құруға арналған алдын ала техникалық-экономикалық көрсеткіштер, катализаторларды пайдалану арқылы бензол алудың технологиялық схемасы.
Түпкілікті нәтиже:
1) Тұтас көмір саласы тиісті халықаралық талаптарға 9,8% стандарттармен қамтамасыз етілетін болады;
2) Тұтас электр энергетикасы нормативтік-техникалық құжаттамамен 12%-ға қамтамасыз етілетін болады;
3) метанол және диметил эфирін өндіру бойынша технологиялық кешенінің құрылысына арналған нақты көрсеткіштерді анықтау, бензол алудың принципті технологиялық схемасы.
Қаржы-экономикалық нәтиже: мемлекеттік стандартты өңдеудің орташа құны - 1370,0 мың теңге, қолданыстағы стандартты өзгертуге - 945,0 мың теңге, каталог пен жіктеуішке - 2000,0 мың теңге, нормативтік-техникалық құжатқа - 1645,0 мың теңге, нормативтік-техникалық құжатты қайта қарауға - 744,0 мың теңге. 1 млн. т.м газды қайта өңдеу кезінде алынған мұнай-химия өнімдерінің құны 180 мыңнан астам АҚШ долларын құрайды, отын нұсқасы бойынша осы көлемдегі газды сату кезінде - құны 18-20 мың АҚШ долларын құрайды.
Уақтылығы: жұмыстардың күнтізбелік жоспарларына сәйкес.
Сапасы: отын-энергетикалық кешен өнімдерінің бәсекеге қабілеттілігін халықаралық талаптарға сәйкес нормативтік-құқықтық, ғылыми-техникалық қамтамасыз ету.
Қазақстан Республикасы Үкіметінің
2005 жылғы 12 желтоқсандағы
№ 1235 қаулысына
314-қосымша
231 - Қазақстан Республикасы Энергетика және минералдық
ресурстар министрлігi
Бюджеттік бағдарламаның әкімшісi
2006 жылға арналған
"Радиациялық қауіпсіздікті қамтамасыз ету"
деген 011 республикалық бюджеттік бағдарламаның
ПАСПОРТЫ
1. Құны: 480000 мың теңге (төрт жүз сексен миллион теңге).
2. Бюджеттік бағдарламаның нормативтік құқықтық негізi: "Атом энергиясын пайдалану туралы" 1997 жылғы 14 сәуірдегі Қазақстан Республикасы Заңының 4, 5, 13-баптары, "Халықтың радиациялық қауіпсіздігі туралы" 1998 жылғы 23 сәуірдегі Қазақстан Республикасы Заңының 5, 6, 9-баптары; "Бұрынғы Семей ядролық сынақ полигонының проблемаларын кешенді шешу жөніндегі 2005-2007 жылдарға арналған бағдарламаны бекіту туралы" Қазақстан Республикасы Үкіметінің 2005 жылғы 20 қыркүйектегі № 927 қаулысы.
3. Бюджеттік бағдарламаны қаржыландыру көздерi: республикалық бюджеттің қаражаты.
4. Бюджеттік бағдарламаның мақсаты: Қазақстанның радиациялық және ядролық қауіпсіздігін қамтамасыз ету.
5. Бюджеттік бағдарламаның міндеттерi: Қазақстан Республикасының аумағындағы қазіргі радиациялық жағдайды және халық үшін радиологиялық ахуалды бағалау; кейінгі радиоэкологиялық мониторингті жүргізу үшін радиациялық-ластанған аумақтар мен алаңдарды белдемдеу; зерттеулер нәтижелері бойынша радионуклидтермен ластанған аумақтарды оңалту және нормативтен жоғары радиоактивтік сәулелену жағдайларынан халықты қорғау жөніндегі ұсыныстарды дайындау; Ертіс химия-металлургия зауытына (бұдан әрі - ЕХМЗ) іргелес аумақтарда радиоактивтік заттар мен қалдықтардың бақылаусыз таралуын болдырмау; оның аумағының ерекшеліктерін ескерумен шаруашылық қызметін жүргізу үшін бұрынғы Семей сынақ полигонының (бұдан әрі - ССП) радиациялық және ядролық қауіпсіздігін қамтамасыз ету, ССП аумағындағы ядролық қару-жарақ қызметі қалдықтарының қорларын бағалау, бұрынғы ССП аумағында ядролық жерасты сынақтарын өткізу орындарының ағымды сейсмикалық жағдайын зерттеу, радиоэкология мәселелері жөнінде ақпараттандыру және түсіндіру.
6. Бюджеттік бағдарламаны іске асыру жөніндегі іс-шаралар жоспары:
7. Бюджеттік бағдарламаны орындаудан күтілетін нәтижелер:
Тура нәтиже:
1. Қазақстан Республикасының аумағындағы радиациялық жағдайды зерттеу: өңірлік зерттеулер бойынша Ақтөбе, Қостанай және Солтүстік Қазақстан облыстарының аумағы бойынша 205 000 мың шаршы км. алаңда масштабы 1:1000 000 радиогидролитохимиялық түсіру орындалатын болады, 2005 жылдың далалық жұмыстары бойынша барлық зертханалық талдаулар аяқталатын болады;
ортамасштабты зерттеулер бойынша Орталық Қазақстанның (Ақмола және Қарағанды облыстары) үш учаскесінде жан-жақты зерттеу аяқталатын және радиациялық факторлар жиынтығы бойынша олардың радиациялық кернеуліктерін бағалау үшін Оңтүстік Қазақстанның бір учаскесінде және Ақтөбе облысының бір учаскесінде зерттеу басталатын болады;
Қазақстанның 4 облысы бойынша масштабы 1:1000 000 топырақ пен судың радиациялық-химиялық ластану карталары, барлығы 45 карта жасалды;
Ақмола және Қарағанды облыстарының типтік учаскелері бойынша 3 радиациялық паспорт және Ақтөбе және Оңтүстік Қазақстан облыстарының типтік учаскесі бойынша радиациялық паспорттың 1 макеті жасалды;
5 жергілікті учаскелердің радиоактивтік ластануының радиациялық паспорттарының және жоғары радиоактивті тау-кен жыныстарының үйінділерімен 15 учаскенің паспорттарының макеттері;
санамаланған карталардың және паспорттардың қосымшасымен бірге ақпараттық есеп.
2. Бұрынғы Ертіс химия-металлургия зауыты (ЕХМЗ) аумағында, радиоактивті қалдықтарды көму пункттері мен оған іргелес аймақтарда радиациялық-қауіп жағдайларды жою жөніндегі жұмыстарды жүргізу:
РҚКП аумағына іргелес ластанған аумақтарды радиациялық қауіпсіз жай-күйге келтіру жөніндегі жұмыстар орындалатын, ондағы ғимараттар мен құрылыстарды қоса алғанда, бұрынғы ЕХМЗ-ның меншігіндегі аумақта табылған иондағыш сәулелену көздері мен жоғары активті РАҚ жойылатын болады;
22 және 22а ғимараттарының ластанған жабдықтарын, жүйелерін және конструкцияларының элементтерін бөлшектеу мен дезактивтендірудің технологиялық процесіне, 22 және 22а ғимараттарында тұрған және дезактивтендіру жұмыстары кезінде пайда болған сұйық радиоактивтік қалдықтарды қайта өңдеу қондырғысына қадағалау органдарында келісілген және жобалық-сметалық және конструкторлық құжаттамада бекітілген жинақ әзірленді;
ЕХМЗ-да кейінгі жұмыс кезеңдерінде ластанған технологиялық жабдықтарды, оларда болатын сұйық радиоактивтік қалдықтарды қауіпсіз кәдеге жаратуды жүзеге асыруға мүмкіндік тудыратын 22 және 22а ғимараттарында инженерлік зерттеулер өткізілді, СРҚ-ны кәдеге жаратудың әдістері мен технологиялары экспериментті түрде әзірленді;
2005 жылы табылған, ЕХМЗ іргелес ластанған аумақтарда табиғат қорғау іс-шараларын жүзеге асыруға қадағалау органдарында келісілген және жобалық-сметалық және конструкторлық құжаттамада бекітілген жинақ әзірленді.
3. Бұрынғы ССП-ның қауіпсіздігін қамтамасыз ету:
ядролық сынақтар жүргізілген негізгі алаңдарды қоса алғанда, бұрынғы ССП аумағына рұқсатсыз кіруді шектеу жүйесі әзірленді;
аумақтың ерекшелігін ескерумен, шаруашылық жұмыстарын радиациялық қауіпсіз жүргізудің нормалары әзірленді;
шаруашылық жұмыстарын жүргізу кезіндегі радиациялық қауіпсіздіктің талаптарын қамтамасыз ету мониторингісінің жаңа деректері;
шаруашылық етуші субъектілердің дерекқорын дамыту;
ЗГР реакторлық кешенді физикалық қорғаудың қазіргі жүйесін ішінара жаңғырту бойынша іс-шаралар орындалды;
ядролық объектілердің қауіпсіздігі, ядролық және радиациялық қауіпті объектілерде авариялардың мүмкін болатын түрлерін үлгілеу мен болжамдау саласында жаңа деректер алынды;
радиологиялық зерттеулердің жаңа деректері, радионуклидтік ластанудың анықталған карталары;
топырақты сулардың жүйесін ішінара жаңғырту орындалды;
ССП аумағында радионуклидтердің көшіп-қонуы және радиациялық жағдайдың динамикасы жөніндегі жаңа деректер алынды;
жерасты ядролық сынақтарын өткізетін орындардағы жерасты сулары бассейнінің радионуклидтермен ластануы жөніндегі жаңа деректер алынды;
радионуклидтердің жерасты суларымен жеңілдету аймағына түсу мүмкіндігін бейтараптандыру қазіргі әдістемелерін таңдап алу жүзеге асырылды;
Дегелең алаңының қазіргі сейсмикалық жағдайы және Балапан алаңының қазіргі сейсмикалық жағдайының мониторингі туралы жаңа деректер алынды;
Балапан алаңының әскери ұңғымаларының бір бөлігін паспорттау орындалды;
Бұрынғы ССП аумағындағы ядролық сынақтар өткізілген жерлердегі ядролық қарулану әрекетін қалдықтарын іздеп табу әдістемелерін таңдап алу жүзеге асырылды;
радиоактивтік қалдықтарды, улы қалдықтарды және ядролық қару әрекетінің қалдықтарын көму объектілерінің мониторингі жүйесін құруға техникалық тапсырыстар әзірленді;
Қазақстан Республикасының аумағында радиациялық және ядролық материалдардың заңсыз айналымына қарсы әрекет жасау және таратпау режимін қолдау әдістерін таңдап алу жүзеге асырылды;
ГАЖ шешім қабылдау жүйесінің бір бөлігі ретінде жаңа ақпараттық қабаттармен толықтырылды;
бұрынғы ССП өңірінің халқын ақпараттандыру және түсіндіру.
Түпкілікті нәтиже: радиациялық жағдай картасын жасау және радионуклидтермен ластанған аумақтарды сауықтыру және бағдарламаны іске асыру басталғаннан бастап, Қазақстанның барлық аумағының 29% кем емес алаңында нормативтен жоғары сәулелену жағдайларынан халықты қорғау жөнінде ұсынымдар дайындау;
жобаларды әзірлеу: ластанған жүйелерді дезактивтендірудің технологиялық процесі; 22 және 22а ғимараттарындағы сұйық радиоактивтік қалдықтарды қайта өңдеу қондырғылары; 2005 жылы табылған ластанған аумақтардағы табиғат қорғау іс-шаралары;
бұрынғы ЕХМЗ аумағында табылған радиоактивтік заттар мен қалдықтар жойылды;
адамдардың денсаулығына, өміріне және қоршаған ортаға қауіпті әсердің төмендеуі;
негізгі радионуклидтер бойынша 4 карта (ССП), қоршау периметрі 600 км-ден тұратын 4 сынақ алаңы жасалды.
Қаржы-экономикалық нәтиже: радиациялық жағдайды белгіленген нормаларға сәйкес келтіру және оны халыққа және қоршаған ортаға радиациялық әсерді шектейтін іс-шаралар кешенімен қамтамасыз ету.
Уақытылығы: жұмыстардың күнтізбелік жоспарына сәйкестігі.
Сапасы: аудан халқының радиациялық қауіпсіздігін қамтамасыз ету.
Қазақстан Республикасы Үкіметінің
2005 жылғы 12 желтоқсандағы
№ 1235 қаулысына
315-қосымша
231 - Қазақстан Республикасы Энергетика және минералдық
ресурстар министрлігi
Бюджеттік бағдарламаның әкімшісi
2006 жылға арналған
"Геологиялық ақпаратты түзу"
деген 012 республикалық бюджеттік бағдарламаның
ПАСПОРТЫ
ҚР Үкіметінің 2006.31.07. № 470б Қаулысымен 1-тармақ жаңа редакцияда (бұр. ред. қара)
1. Құны: 67946 мың теңге (алпыс жеті миллион тоғыз жүз қырық алты мың теңге).
2. Бюджеттік бағдарламаның нормативтік құқықтық негізi: "Қазақстан Республикасында жер қойнауының мемлекеттік мониторингі туралы ережені бекіту туралы" Қазақстан Республикасы Үкіметінің 1997 жылғы 27 қаңтардағы № 106 қаулысы; "Қазақстан Республикасы Энергетика және минералдық ресурстар министрлігінің Геология және жер қойнауын пайдалану комитетінің мәселелері" Қазақстан Республикасы Үкіметінің 2004 жылғы 28 қазандағы № 1107 қаулысы; "2003-2010 жылдарға арналған елдің минералдық-шикізат кешенінің ресурстық базасын дамыту бағдарламасын бекіту туралы" Қазақстан Республикасы Үкіметінің 2002 жылғы 29 желтоқсандағы № 1449 қаулысы.