Қазақстан Республикасы Президентінің
Жарлығы
Сапа саласындағы жетістіктері үшін» Қазақстан Республикасы Президентінің сыйлығын алуға арналған конкурс және «Алтын сапа» республикалық көрме-конкурсы туралы
ҚР Үкіметінің 2006 жылғы 19 қыркүйектегі № 879 Қаулысымен ҚР Президентінің қарауына енгізілді
ҚАУЛЫ ЕТЕМІН:
1. 2006 жылдан бастап жыл сайынғы «Сапа саласындағы жетістіктері үшін» Қазақстан Республикасы Президентінің сыйлығын алуға арналған конкурс және «Алтын Сапа» республикалық көрме-конкурсы тағайындалсын.
2. Қосымшаға сәйкес құрамда «Сапа саласындағы жетістіктері үшін» Қазақстан Республикасының Президенті сыйлығының лауреаттары атағын және «Алтын Сапа» республикалық көрме-конкурсының дипломанттары атағын беру жөніндегі комиссия құрылсын.
3. Қоса беріліп отырған:
1) «Сапа саласындағы жетістіктері үшін» Қазақстан Республикасы Президентінің сыйлығын алуға арналған конкурсты өткізу және лауреаттар атағын беру ережесі;
2) «Алтын Сапа» республикалық көрме-конкурсын өткізу және дипломанттар атағын беру ережесі;
3) «Сапа саласындағы жетістіктері үшін» Қазақстан Республикасының Президенті сыйлығының лауреаттары атағын және «Алтын Сапа» республикалық көрме-конкурсының дипломанттары атағын беру жөніндегі комиссия туралы ереже бекітілсін.
4. Облыстардың, Астана, Алматы қалаларының әкімдері жыл сайынғы «Алтын Сапа» өңірлік көрме-конкурстарын ұйымдастыру және өткізу жөнінде шаралар қабылдасын.
5. Қазақстан Республикасының Үкіметі осы Жарлық pecми жарияланғаннан кейін бір ай мерзімде белгіленген тәртіппен:
1) «Сапа саласындағы жетістіктері үшін» Қазақстан Республикасы Президентінің сыйлығын алуға арналған конкурсқа қатысушылардың материалдарын ресімдеу, ұсыну және алдын ала бағалау ережесін;
2) «Алтын Сапа» өңірлік және республикалық көрме-конкурсына ұсынылатын өнімді сараптамалық бағалау материалдарын ресімдеу, ұсыну және алдын ала бағалау ережесін әзірлесін және бекітсін.
6. Қазақстан Республикасының Үкіметі осы Жарлықты іске асыру жөнінде өзге де шаралар қабылдасын.