Алматы қаласын көріктендіру жөніндегі кейбір мәселелер туралы
Алматы қаласы әкімдігінің 2006 жылғы 28 маусымдағы № 3/830 Қаулысы
Алматы қаласының экологиялық жағдайын жақсарту, аумағын көріктендіру мен балаларға мектепке дейінгі тәрбие беру үшін жағдай жасау мақсатында, «Қазақстан Республикасындағы жергілікті мемлекеттік басқару туралы» Қазақстан Республикасының Заңын, «Қазақстан Республикасында салалық (секторалдық) және өңірлік бағдарламаларды әзірлеу мен іске асыру Ережесі туралы» Қазақстан Республикасы Үкіметінің 2004 жылғы 26 ақпандағы № 231 қаулысын басшылыққа ала отырып, Алматы қаласының әкімдігі ҚАУЛЫ ЕТЕДІ.
1. Табиғи ресурстар мен табиғатты пайдалануды реттеу департаменті (С. А. Мәкежанов) Жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру департаментімен (Б.Б. Ысқақов) бірлесе отырып, 2006 жылғы 25 тамызға дейінгі мерзімде Алматы қаласының аумағындағы өзендердің жағаларын шегендеу мен маңайын көріктендіру жөнінен қалалық бағдарлама жасасын.