Стенограмма заседания Мажилиса Парламента Республики Казахстан
(31 января 2007 года)
ҚАЗАҚСТАН РЕСПУБЛИКАСЫ ПАРЛАМЕНТІ МӘЖІЛІСІНІҢ
ЖАЛПЫ ОТЫРЫСЫ
2007 жылғы 31 қаңтар
Отырысты Қазақстан Республикасы Парламенті Мәжілісінің Төрағасы МҰХАМЕДЖАНОВ О.Б. жүргізді.
ТӨРАҒА. Қайырлы таң, құрметті әріптестер! Тіркеуден өтулеріңізді сұраймын. Дербес тіркеу режимі қосылсын.
Тиісті жиналым бар. 77 депутаттың 62-сі қатысып отыр. Белгілі себептермен бүгінгі отырысқа қатыспай отырған депутаттар: Егоров, Мәдинов, Мақашев, Назарбаева, Өтепбаев, Сағадиев, Тарасенко, Таспихов.
Мәжілістің кезекті жалпы отырысын ашық деп жариялаймын.
Құрметті әріптестер, 26 қаңтарда әріптесіміз Сергей Михайлович Жалыбиннің туған күні болды. Дәл бүгін 31 қаңтарда әріптесіміз Асқар Асанұлы Бейсенбаевтың және Нұрбах Тұрарұлы Рүстемовтің туған күндері. Соған байланысты сіздердің аттарыңыздан әріптестерімізді құттықтап, зор денсаулық, отбасында береке, еңбектері жемісті болсын дегім келеді. Біздің қыздардың тапсыратын гүлдері бар. Пожалуйста.
ҚОЛ ШАПАЛАҚТАУ.
ТӨРАҒА. Бюроның ұсынған күн тәртібі өздеріңізде бар. Қандай пікірлер, ұсыныстар болады? Бекітетін болсақ, онда күн тәртібі бойынша дауыс берулеріңізді сұраймын.
Нәтижесін экранға беріңіздер. Күн тәртібі бірауыздан бекітілді. 60 депутат дауыс беруге қатысып, 60 депутат жақтады.
Енді күн тәртібіндегі мәселелерге көшеміз.
Бірінші мәселе - «Қазақстан Республикасының ‡кіметі мен Сингапур Республикасының ‡кіметі арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келісімді және оған Хаттаманы ратификациялау туралы» Қазақстан Республикасы Заңының жобасы бойынша қорытынды әзірлеу жөнінде. Бұл мәселе бойынша сөз Халықаралық істер, қорғаныс және қауіпсіздік комитетінің төрағасы депутат Әбдірахмановқа беріледі.
ӘБДІРАХМАНОВ С. Аталған заң жобасы бойынша қорытындыны 30 мамырға дейін даярлауға әзірміз. Қолдауларыңызды сұраймын.
ТӨРАҒА. Басқа пікір жоқ па?
ОРНЫНАН. Жоқ.