Дәрілік затты қолдану жөніндегі мамандар мен тұтынушыларға арналған
нұсқаулықтардың мәтіндерін әзірлеу жөніндегі нұсқаулықты (аннотация
қосымша бет) бекіту туралы және «Дәрілік затты қолдану жөнінде
тұтынушыларға арналған тұтыну орамы мен нұсқаулықты (аннотация-қосымша)
ресімдеу, таңбалау Ережелерін бекіту туралы» Қазақстан Республикасының
Денсаулық сақтау ісі жөніндегі агенттігі төрағасының міндетін атқарушының
2000 жылғы 30 қарашадағы № 756 бұйрығына (Қазақстан Республикасының
Әділет министрлігінде 2000 жылғы 30 желтоқсандағы № 1346 мемлекеттік
тіркелген) өзгерістер енгізу туралы Қазақстан Республикасы Денсаулық
сақтау министрінің 2004 ж. 17 ақпандағы № 160 бұйрығы
Осы редакция 2007 жылғы 26 қарашададағы енгізілген өзгерістеріне дейін қолданылды
«Дәрілік заттар туралы» Қазақстан Республикасының Заңына сәйкес және тұтынушылардың құқықтарын қорғау, Қазақстан Республикасының аумағында медициналық қолдануға рұқсат етілген өткізілетін және тағайындалатын дәрілік заттардың қауіпсіздігі, тиімділігі мен сапасы туралы толық ақпаратты ұсыну мақсатында бұйырамын:
1. Қоса беріліп отырған Дәрілік затты қолдану жөніндегі мамандар мен тұтынушыларға арналған нұсқаулықтардың мәтіндерін әзірлеу жөніндегі (аннотация - қосымша бет) нұсқаулық бекітілсін.
2. «Дәрілік затты қолдану жөнінде тұтынушыларға арналған тұтыну орамы мен нұсқаулықты (аннотация-қосымша) ресімдеу, таңбалау Ережелерін бекіту туралы» Қазақстан Республикасының Денсаулық сақтау ісі жөніндегі агенттігі төрағасының міндетін атқарушының 2000 жылғы 30 қарашадағы № 756 бұйрығына (Қазақстан Республикасының Әділет министрлігінде 2000 жылғы 30 желтоқсандағы № 1346 мемлекеттік тіркелген, «Фармация Казахстана» журналында 2001 жылғы 1 сәуірде № 1 жарияланған) мынадай өзгерістер енгізілсін:
бас тақырып мынадай редакцияда жазылсын:
«Дәрілік заттың тұтынушылар орамаларын таңбалау ережесін бекіту туралы»;