Аудандық СӨСҚ орталықтарын кезең-кезеңмен құру СӨСҚ бойынша іс-шараларды кеңейтуге және аудандық (ауылдық) деңгейдегі халықты онымен тиімді қамтуға мүмкіндік береді.
СӨСҚ саласында қызметін жүзеге асыратын денсаулық сақтау ұйымдарының материалдық-техникалық базасын нығайту, осы ұйымдарды жабдықтаудың бекітілген ең аз нормативтеріне сәйкес СӨСҚ орталықтарын жабдықтауға мүмкіндік береді.
Өңірлерде әртүрлі нысаналы топтардың арасында СӨСҚ бойынша өткізілетін іс-шаралардың тиімділігінің мониторингі және оны бағалау үшін әлеуметтік зерттеулер жүргізілетін болады, бұл кейіннен СӨСҚ қызметінің жұмысы мен өткізілетін іс-шараларды жетілдіру үшін басқарушылық шешімдерін қабылдауға мүмкіндік береді.
ҚР Үкіметінің 2009 жылғы 18 ақпандағы № 186 Қаулысымен 6-бөлім өзгертілді (бұр.ред.қара)
6. Қажетті ресурстар мен қаржыландыру көздері
Бағдарламаны іске асыруға 2008 - 2010 жылдарда республикалық және жергілікті бюджеттерден қаражаттар, сондай-ақ Қазақстан Республикасы Заңнамасымен тыйым салынбаған басқа да қаражат жіберілетін болады.
2008 - 2010 жылдарға арналған Бағдарламаны іске асыруға мемлекеттік бюджеттен бөлінетін шығындар 4628852,1 мың теңгені, оның ішінде республикалық бюджеттен 2438130,1 мың теңгені, жергілікті бюджеттен 190722,0 мың теңгені құрайды.
Бағдарламаны қаржыландыру көлемі Қазақстан Республикасының заңнамасына сәйкес тиісті қаржылық жылдарға арналған жергілікті және республикалық бюджеттерді бекіту кезінде нақтыланады.
Бағдарламаны іске асыру барысында кезең-кезеңмен мынадай нәтижелерге қол жеткізіледі:
2010 жылы:
1) өмір сүру ұзақтығының орташа деңгейінің 68,1 жасқа дейін артуы;
2) халық арасындағы темекі шегудің таралуын 19,3%-ға дейін қысқарту;
3) алкогольді қауіпті мөлшерлерде қолданудың таралуын 14,6%-ға дейін қысқарту;
4) көкөністер мен жемістерді қолданудың таралуын 14,8%-ға дейін өсіру;
5) дене шынықтырумен айналысуды 16,1%-ға дейін өсіру;
6) дененің артық салмағының таралуын 34,4%-ға дейін төмендету;
7) айға дейінгі балаларды тек емшекпен емізумен қамтуды 68%-ға дейін арттыру;
8) бала туу жасындағы әйелдер арасында 1000 бала туу жасындағы әйелге 28,1 аборттар санын төмендету дейін;
9) негізгі әлеуметтік маңызды аурулардан болатын өлім деңгейін төмендету, 100 мың халық санына оның ішінде:
жүрек-қан тамырлары аурулары - 481,9 жағдайға дейін;
жарақаттану - 140,5 дейін;
онкологиялық дерттер - 119,5 дейін;
10) туберкулез ауруының төмендеуі 100 мың халық санына - 117,1 дейін.
2013 жылы:
1) өмір сүру ұзақтығының орташа деңгейінің 69,7 жасқа дейін артуы;
2) халық арасындағы темекі шегудің таралуын 17,8%-ға дейін қысқарту;
3) алкогольді қауіпті мөлшерлерде қолданудың таралуын 13,4%-ға дейін қысқарту;
4) көкөністер мен жемістерді қолданудың таралуын 18,5%-ға дейін өсіру;
5) дене шынықтырумен айналысуды 20,2%-ға дейін өсіру;
6) дененің артық салмағының таралуын 32,3%-ға дейін төмендету;
7) айға дейінгі балаларды тек емшекпен емізумен қамтуды 70,4%-ға дейін арттыру;
8) аборттар санын төмендету: бала туу жасындағы әйелдер арасында 1000 бала туу жасындағы әйелге 24,0 дейін;
9) негізгі әлеуметтік маңызды аурулардан болатын өлім деңгейін төмендету, 100 мың халық санына шаққанда, оның ішінде:
жүрек-қан тамырлары аурулары - 100 мың халық санына шаққанда 455,2 жағдайға дейін;
жарақаттану - 133,5 дейін; онкологиялық дерттер - 115,9 дейін;
10) туберкулез ауруының төмендеуі 100 мың халық санына шаққанда 108,7 дейін.
2016 жылға:
1) өмір сүру ұзақтығының орташа деңгейінің 71,3 жасқа дейін артуы;
2) халық арасындағы темекі шегудің таралуын 16,8 %-ға дейін қысқарту;
3) алкогольді қауіпті мөлшерлерде қолданудың таралуын 12,5%-ға дейін қысқарту;
4) көкөністер мен жемістерді қолданудың таралуын 24,6 %-ға дейін өсіру;
5) дене шынықтырумен айналысуды 26,6 %-ға дейін өсіру;
6) дененің артық салмағының таралуын 29,3 %-ға дейін төмендету;
7) айға дейінгі балаларды тек емшекпен емізумен қамтуды 73%-ға дейін арттыру;
8) аборттар санын төмендету: бала туу жасындағы әйелдер арасында 1000 бала туу жасындағы әйелге 20,7 дейін;
9) негізгі әлеуметтік маңызды аурулардан болатын өлім деңгейін төмендету, (100 мың халық санына) шаққанда, оның ішінде:
жүрек-қан тамырлары аурулары - 428,4 жағдайға дейін;
жарақаттану - 125,7 дейін;
онкологиялық дерттер - 110,3 дейін;
10) туберкулез ауруының төмендеуі 100 мың халық санына 97,6 дейін.
ҚР Үкіметінің 2009 жылғы 18 ақпандағы № 186 Қаулысымен 8-бөлім өзгертілді (бұр.ред.қара)
8. Бағдарламаны іске асыру жөніндегі 2008-2010 жылдарға
арналған іс-шаралар жоспары