30. Егер Қазақстан Республикасының заңнамасында өзгедей белгіленбесе, ПК өнімдері 0 С бастап 30 С дейінгі температурада жабық қоймаларда сақталуы қажет.
31. Егер ПК өнімдері 30-тармақта айтылған талаптардан өзгеше жағдайларда сақталуға тиіс болған жағдайда, бұл ПК өніміне арналған техникалық құжаттамада және тұтыну орауында айтылуы керек.
32. ПК өнімі сақтаған кезде күн сәулесінің тікелей әсеріне ұшырамайтын болуы керек.
33. ПК өнімін қосылған жылыту құралдарынан 0,5 м кем болатын аралықта сақтауға жол берілмейді.
Жоюға және зарарсыздандыруға қойылатын талаптар
34. ПК өнімдерін шығару жөніндегі кәсіпорында төгінділерді зарарсыздандыру жөніндегі, оларды жоюмен биологиялық белсенді заттарды ұстау және жағымсыз иісі бар төгінділерді тазарту жөніндегі табиғатты қорғау шаралары көзделген болуы тиіс.
35. Егер Қазақстан Республикасының заңнамасында өзгедей белгіленбесе, ПК өнімі жарамдылық мерзімі аяқталған соң тұрмыстық қалдық ретінде жойылады.
36. Егер ПК өнімі осы техникалық регламенттің 35-тармағында айтылғаннан ерекше тәсілмен жойылуы тиіс болған жағдайда, бұл жөнінде ПК өніміне арналған техникалық құжаттамада және тұтыну орауында айтылуы тиіс.
ҚР Үкіметінің 2011.24.03. № 271 Қаулысымен бөлімше алып тасталды (бұр.ред.қара)
39. Қолданылу саласына осы өнім жататын осы техникалық регламенттің және Қазақстан Республикасының басқа да нормативтік-құқықтық актілерінің талаптарына ПК өнімінің сәйкестігін бағалау:
1) ПК өнімінің құрамына кіретін химиялық заттарды тіркеу;
2) сәйкестігін міндетті бағалау;
3) мемлекеттік бақылау жолымен жүзеге асырылады.
5. ПК өнімнің сәйкестігін растау тәртібі
40. ПК өнімінің сәйкестігін растау Қазақстан Республикасында міндетті сипатқа ие және сәйкестігін міндетті растау түрінде жүзеге асырылады. Осы техникалық регламент қолданысқа енгеннен кейін 3 жыл өткен соң ПК өнімінің сәйкестігін растауды сәйкестігін ресми мәлімдеу түрінде де жүзеге асыруға рұқсат етіледі.
41. Сәйкестігін міндетті растауды жүргізген кезде:
Өтініш беруші:
1) сәйкестігін растау жөніндегі органды өз еркімен таңдайды;
2) ішінде мыналар көрсетілген:
өтініш берушінің атауы мен орналасқан жері;
дайындаушының атауы мен орналасқан жері;
нысанды сәйкестендіруге мүмкіндік беретін сәйкестікті растау нысаны туралы ақпарат;
өтініш берушінің өнімнің осы техникалық регламенттің талаптарына сәйкестігіне дәлел ретінде сәйкестікті растау жөніндегі органға ұсынатын құжаттарының тізбесі көрсетілген сәйкестікті растауды жүргізуге өтініш береді;
сәйкестікті растау жөніндегі органға сәйкестікті растауды жүргізу туралы шарт жасасады;
сәйкестікті растау жөніндегі органға өтініште айтылған құжаттарды ұсынады;
сәйкестікті растау жөніндегі органға сынақтар жүргізу үшін және бақылау (арбитраждық) үлгілерін сақтау үшін өнім үлгілерін ұсынады.
Сәйкестікті растау жөніндегі орган:
1) өтінішті қарайды;
2) мыналарды:
сәйкестікті растау сызбасын (модулін);
ТР талаптарының нысандарына сәйкестігі туралы дәлелді шешім қабылдау үшін қажетті құжаттар тізбесін көрсететін өтініш бойынша шешім қабылдайды.
3) өтініш бойынша шешімнің мазмұнын өтініш берушіге хабарлайды;
4) сәйкестікті растау нысанының осы техникалық регламенттің талаптарына сәйкестігі немесе сәйкес келмейтіні жөнінде дәлелді шешім қабылдауға қажетті дәлелді материалдарды қалыптастыру үшін сынақтар жүргізеді;
5) 2-4 сұлбалар бойынша сәйкестікті растаған кезде өндірістің жай-күйін талдауды жүргізеді, талдау нәтижелері актімен ресімделеді;
6) сынақтардың, ұсынылған құжаттар мен өндірістің жай-күйі туралы талдауды қараудың оң нәтижелерінде өтініш берушіге ішіне:
өтініш берушінің атауы мен орналасқан жері;
дайындаушының атауы мен орналасқан жері;
сәйкестік сертификатын берген сәйкестікті растау жөніндегі органның атауы мен орналасқан жері;
осы нысанды сәйкестендіруге мүмкіндік беретін сәйкестікті растау нысаны жөніндегі ақпарат, осы техникалық регламенттің атауы;
солардың негізінде сәйкестік сертификаты берілген жүргізілген сынақтар мен құжаттар жөніндегі ақпарат;
сәйкестік сертификатының жарамдылық мерзімі (3 жылдан аспайтын);
сәйкестікті растау нысанына инспекциялық бақылауды жүргізу мерзімдері енетін сәйкестік сертификатын береді.
42. ПК өнімінің сәйкестігін растау кезінде сәйкестікті растау жөніндегі орган өнім үлгілеріне мерзімді сынақтар жүргізу жолымен сәйкестік сертификатының барлық жарамдылық мерзімі ішінде сертификатталған өнімге инспекциялық бақылау жүргізеді.
Инспекциялық бақылау нәтижелері бойынша сәйкестікті растау жөніндегі орган мына шешімдердің бірін қабылдайды:
сәйкестік сертификатының күшін расталған деп есептеу (бұл жөнінде шарт қосымшасына белгі соғады);
сәйкестік сертификатының күшін тоқтату;
сәйкестік сертификатының күшін жою.
43. ПК өнімнің сәйкестігін растау нысандары мен схемаларын Қазақстан Республикасының Үкіметі бекітетін, техникалық регламентпен белгіленеді.
6. ҚР Үкіметінің 2011.24.03. № 271 Қаулысымен бөлім алып тасталды (бұр.ред.қара)
өнімдердің қауіпсіздігіне
қойылатын талаптар»
1-қосымша
Парфюмерлік-косметикалық ингредиенттер ретінде
пайдалануға тыйым салынған заттардың тізімі