Фармацевтикалық қызметті жүзеге асыратын мамандарды
мерзімдік аттестаттау ережесін бекіту туралы
Қазақстан Республикасының Денсаулық сақтау Минстрлігінің
2006 жылғы 29 желтоқсандағы № 658 Бұйрығы
(2007.19.06. берілген өзгерістер мен толықтыруларымен)
Осы редакция 2008 жылғы 24 сәуірдегі енгізілген өзгерістеріне дейін қолданылды
«Дәрілік заттар туралы» Қазақстан Республикасының Заңын іске асыру мақсатында БҰЙЫРАМЫН:
1. Қоса беріліп отырған Фармацевтикалық қызметті жүзеге асыратын мамандарды мерзімдік аттестаттау ережесі бекітілсін.
2. Қазақстан Республикасы Денсаулық сақтау министрлігінің Фармация комитеті (Пак Л.Ю.) осы бұйрықты Қазақстан Республикасы Әділет министрлігіне мемлекеттік тіркеуге жіберсін.
3. Қазақстан Республикасы Денсаулық сақтау министрлігінің ұйымдастыру-құқықтық жұмыс департаменті (Акрачкова Д.В.) осы бұйрықтың Қазақстан Республикасы Әділет министрлігінде мемлекеттік тіркелгеннен кейін бұқаралық ақпарат құралдарында ресми жариялануын қамтамасыз етсін.
4. Осы бұйрықтың орындалуын бақылау Қазақстан Республикасының Денсаулық сақтау вице-министрі Қ.Т. Омаровқа жүктелсін.
5. Осы бұйрық Ереженің 2008 жылғы 1 маусымнан бастап қолданысқа енгізілетін 6-тармағын қоспағанда, ресми жарияланған күнінен бастап күшіне енеді.
| Министр | А. Г. Дерновой |
Денсаулық сақтау министрінің
2006 жылғы 29 желтоқсан
№ 658 бұйрығымен бекітілген
Фармацевтикалық қызметті жүзеге асыратын мамандарды
мерзімдік аттестаттау ережесі
1. Жалпы ережелер
1. Осы Ереже «Дәрілік заттар туралы» Қазақстан Республикасының Заңына сәйкес жасалған және фармацевтикалық қызметті жүзеге асыратын мамандарды мерзімдік аттестаттау жүргізу мәселелерін нақтылайды.