Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы
Қазақстан Республикасы Үкіметінің 2008 жылғы 6 мамырдағы № 424 Қаулысы
(2020.10.06. берілген өзгерістермен)
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
1) ҚР Үкіметінің 2020.10.06. № 368 Қаулысымен күші жойылды (бұр.ред.қара)
2) «Ақпараттық технологиялар паркі» арнайы экономикалық аймағын құру мақсатына қол жеткізу үшін қажетті тауарлар номенклатурасын бекіту туралы» Қазақстан Республикасы Үкіметінің 2005 жылғы 18 шілдедегі № 737 қаулысында (Қазақстан Республикасының ПҮАЖ-ы, 2005 ж., № 29, 377-құжат):
көрсетілген қаулымен бекітілген «Ақпараттық технологиялар паркі» арнайы экономикалық аймағын құру мақсатына қол жеткізу үшін қажетті тауарлар номенклатурасы осы қаулыға 1-қосымшаға сәйкес жаңа редакцияда жазылсын;
3) «Оңтүстік» арнайы экономикалық аймағын құру мақсатына қол жеткізу үшін қажетті тауарлардың тізбесін бекіту туралы» Қазақстан Республикасы Үкіметінің 2005 жылғы 22 қарашадағы № 1151 қаулысында (Қазақстан Республикасының ПҮАЖ-ы, 2005 ж., № 43, 576-құжат):
көрсетілген қаулымен бекітілген «Оңтүстік» арнайы экономикалық аймағын құру мақсатына қол жеткізу үшін қажетті тауарлардың номенклатурасы осы қаулыға 2-қосымшаға сәйкес жаңа редакцияда жазылсын.
2. Осы қаулы алғаш рет ресми жарияланған күнінен бастап қолданысқа енгізіледі.