Ұзынкөл ауданы Киевский ауылдық округі және Варваровка ауылының аумақтарындағы туристік кешендер құрылысына арналған телімде Шошқалы көлінің су қорғау аймағы мен белдеуін, оларды шаруашылықта пайдаланудың режимі мен ерекше жағдайларын белгілеу туралы
Қостанай облысының әкімдігінің 2008 жылғы 5 маусымдағы № 326 Қаулысы
(2017.04.07. берілген өзгерістермен)
Қостанай облысы әкімдігінің 2022 жылғы 3 тамыздағы № 344 Қаулысымен күші жойылды
Қостанай облысы әкімдігінің 2017.04.07. № 328 Қаулысымен тақырыбы жаңа редакцияда (бұр.ред.қара)
Қостанай облысы әкімдігінің 2014.30.04. № 182 Қаулысымен тақырыпта және бүкіл мәтін бойынша «селолық» сөзі «ауылдық» сөзімен ауыстырылды (бұр.ред.қара); Қостанай облысы әкімдігінің 2015.27.03. № 111 Қаулысымен тақырыпта және бүкіл мәтін бойынша «Киевский және Куйбышевский ауылдық округтері аумағындағы» деген сөздер «Киевский ауылдық округі және Варваровка ауылының аумақтарындағы» деген сөздермен ауыстырылды (бұр.ред.қара)
Қостанай облысы әкімдігінің 2016.14.03. № 115 Қаулысымен; Қостанай облысы әкімдігінің 2017.04.07. № 328 Қаулысымен кіріспе жаңа редакцияда (бұр.ред.қара)
2003 жылғы 9 шілдедегі Қазақстан Республикасы Су кодексінің 39, 116, 125-баптарына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 27-бабына сәйкес Қостанай облысының әкімдігі ҚАУЛЫ ЕТЕДІ:
1. Ұзынкөл ауданы Киевский ауылдық округі және Варваровка ауылының аумақтарындағы туристік кешендер құрылысына арналған телімде Шошқалы көлінің су қорғау аймағы мен белдеуі белгіленсін.
Жобада су қорғау аймақтарының ені және ұзындығы бөлінген:
№ 1 телімде: ені 500 метр, ұзындығы 100 метр, Шошқалы көлі су кемерінің орташа көп жылдық сабалық деңгейінен - 93.69 метр. Су қорғау аймағының жалпы ауданы 5,0 гектарды құрайды.