Қала әкімі, оның бірінші орынбасары, орынбасарлары және
Алматы қаласы әкімі ақпаратының басшысы арасындағы міндеттерді бөлу туралы
Алматы қаласы әкімдігінің 2008 жылғы 25 сәуірдегі № 122-Ө Өкімі
Орталық мемлекеттік органдардың барлық аумақтық бөлімшелерінің келісімді қызметін қамтамасыз ету және Алматы қаласының жергілікті бюджетінен қаржыландырылатын атқарушы органдарына тиімді басшылық жасау мақсатында:
1. IV сайланған Алматы қаласы мәслихаты кезекті сесиясының бекітуіне Алматы қаласын басқару кестесі 1 қосымшаға сәйкес енгізілсін.
2. Ұсынылған қала әкімі, оның бірінші орынбасары, орынбасарлары және Алматы қаласы әкімі аппаратының басшысы арасындағы міндеттер бекітілсін.
3. Алматы қаласы әкімінің 2007 жылгы 12 қарашадағы «Қала әкімі, оның бірінші орынбасары, орынбасарлары және Алматы қаласы әкімі аппаратының басшысы арасындағы міндеттерді бөлу туралы № 380-ө өкімінің күші жойылды деп танылсын.
Алматы қаласы әкімі | А. Есімов |
2008 жылғы 25 сәуірдегі
№ 122-Ө өкімімен бекітілді
Қала әкімі, оның бірінші орынбасары, орынбасарлары және
Алматы қаласы әкімі аппаратының басшысы арасындағы міндеттерді бөлу
Алматы қаласының әкімі Ахметжан Смағұлұлы Есімов
Алматы қаласының әкімі Қазақстан Республикасының «Қазақстан Республикасындағы жергілікті мемлекеттік басқару туралы» Заңына сәйкес Қазақстан Республикасы Президентінің және Үкіметінің өкілі болып табылады, жергілікті атқару органын басқарады және мемлекеттік саясаттың жүргізілуін, Қазақстан Республикасының орталық атқару органдарының барлық аумақтық бөлімшелерімен келісе отырып, қызмет атқаруын қамтамасыз етеді, жергілікті бюджеттің қаражаты есебінен қаржыландырылатын атқару органдарының қызметіне басшылық етеді, Қазақстан Республикасының заңнамасына сәйкес мемлекеттік басқару өкілеттіктеріне ие және оған Қазақстан Республикасының Президенті және Үкіметі алдында жауапкершілікте болады.