н"Магистральдық темір жол желісінің реттеліп көрсетілетін қызметтерінің тарифтеріне
(бағаларына, алым ставкаларына) уақытша төмендету коэффициенттерін бекіту ережесі туралы”
Қазақстан Республикасының Табиғи
монополияларды реттеу және бәсекелестікті қорғау
жөніндегі агенттігінің 2004 жылғы 8 қыркүйектегі
№ 375-НҚ бұйрығы
(ҚР Табиғи монополияларды реттеу агенттігінің 2005.11.03. № 80-НҚ
бұйрығымен енгізілген өзгерістерімен)
Осы редакция 2008 жылғы 14 қазандағы енгізілген өзгерістеріне дейін қолданылды
ҚР Табиғи монополияларды реттеу агенттігінің 2005.11.03. № 80-НҚ бұйрығымен тақырыбы өзгертілді (бұр. ред. қара)
"Табиғи монополиялар туралы" Қазақстан Республикасы Заңының 14-1-бабының 6) тармақшасына және 15-бабы 1-тармағының 3) тармақшасына сәйкес бұйырамын:
ҚР Табиғи монополияларды реттеу агенттігінің 2005.11.03. № 80-НҚ бұйрығымен 1-тармақ өзгертілді (бұр. ред. қара)
1. Қоса беріліп отырған Магистралдық темір жол желісінің реттеліп көрсетілетін қызметтерінің тарифтеріне (бағаларына, алым ставкаларына) уақытша төмендету коэффициенттерін бекіту ережесі бекітілсін.
2. Қазақстан Республикасы Табиғи монополияларды реттеу және бәсекелестікті қорғау жөніндегі агенттігінің Темір жол көлігі мен порттар саласындағы реттеу мен бақылау жөніндегі департаменті (Е.С. Жусанбаев) осы бұйрықтың заңнамада бекітілген тәртіппен Қазақстан Республикасының Әділет министрлігінде мемлекеттік тіркелуін қамтамасыз етсін.
3. Қазақстан Республикасы Табиғи монополияларды реттеу және бәсекелестікті қорғау жөніндегі агенттігінің Әкімшілік және аумақтық жұмыстар департаменті (Токарева М.А.) мемлекеттік тіркелгеннен кейін:
1) осы бұйрықты бекітілген тәртіппен ресми бұқаралық ақпарат құралдарында жариялауды қамтамасыз етсін;