2009 жылға арналған облыстық бюджет туралы Оңтүстік Қазақстан облыстық мәслихаттың 2008 жылғы 12 желтоқсандағы № 12/135-IV шешіміне өзгерістер мен толықтырулар енгізу туралы
Оңтүстік Қазақстан облыстық мәслихатының 2009 жылғы 11 ақпандағы № 13/173-IV шешімі
Қазақстан Республикасының 2008 жылғы 4 желтоқсандағы Бюджет кодексіне және «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңына сәйкес Оңтүстік Қазақстан облыстық мәслихаты ШЕШТІ:
1. «2009 жылға арналған облыстық бюджет туралы» Оңтүстік Қазақстан облыстық мәслихатының 2008 жылғы 12 желтоқсандағы № 12/135-IV шешіміне (нормативтік құқықтық актілер мемлекеттік тіркеу тізілімінде № 2001 тіркелген, 2008 жылғы 25 желтоқсанда «Оңтүстік Қазақстан» газетінде жарияланған) мынадай өзгерістер мен толықтырулар енгізілсін:
преамбулада «2004 жылғы 24 сәуірдегі» деген сөздер «2008 жылғы 4 желтоқсандағы» деген сөздермен ауыстырылсын.
1-тармақ мынадай мазмұндағы жаңа редакцияда жазылсын:
1. Оңтүстік Қазақстан облысының 2009 жылға арналған облыстық бюджеті 1-қосымшаға сәйкес мынадай көлемде бекітілсiн:
1) кiрiстер - 178 414 209 мың теңге, оның iшiнде:
салықтық түсiмдер - 13 845 667 мың теңге;
салықтық емес түсiмдер - 242 391 мың теңге;
трансферттердiң түсiмдерi - 164 326 151 мың теңге;
2) шығындар - 175 288 450 мың теңге;
3) таза бюджеттік кредит беру - - 1 369 000 мың теңге, оның ішінде:
бюджеттік кредиттер - 699 000 мың теңге;
бюджеттік кредиттерді өтеу - 2 068 000 мың теңге;
4) қаржы активтерімен жасалатын операциялар бойынша сальдо - 3 102 505 мың теңге, оның ішінде:
қаржы активтерін сатып алу - 3 102 505 мың теңге;
5) бюджет профициті - 1 392 254 мың теңге;
6) бюджет профицитін пайдалану - - 1 392 254 мың теңге, оның ішінде:
қарыздар түсімі - 699 000 мың теңге;
қарыздарды өтеу - 2 101 955 мың теңге;
бюджет қаражатының пайдаланылатын қалдықтары - 10 701 мың теңге.